കൊച്ചി:ഒളിവിൽ കഴിയുന്ന പാലക്കാട് എംഎൽഎ രാഹുല് മാങ്കൂട്ടത്തിനെ കണ്ടെത്തുന്നതിനായി പുതിയ അന്വേഷണ സംഘത്തെ നിയോഗിച്ചു.
അന്വേഷണത്തിൽ ചോർച്ച: പുതിയ സ്പെഷ്യൽ ടീം ക്രൈംബ്രാഞ്ച് നിയോഗിച്ചു
നിലവിലുള്ള സംഘത്തിൽ നിന്ന് വിവരങ്ങൾ രാഹുലിന് ചോർന്നേക്കാമെന്ന ശക്തമായ നിഗമനത്തിന്റെ അടിസ്ഥാനത്തിലാണ് ഈ നീക്കം.
അന്വേഷണ സംഘത്തിന്റെ ഓരോ നീക്കവും രാഹുലിന് മുൻകൂട്ടി ലഭിക്കുകയാണെന്ന് റിപ്പോർട്ടുകൾ വ്യക്തമാക്കുന്നു.
പതിനൊന്ന് ദിവസമായി രാഹുലിന്റെ കൃത്യമായ സ്ഥാനം വ്യക്തമാകാത്ത സാഹചര്യത്തിലാണ് അന്വേഷണം ശക്തമാക്കാൻ തീരുമാനിച്ചത്.
പല തവണയും രാഹുലിന്റെ സാന്നിദ്ധ്യം സംബന്ധിച്ച സൂചനകൾ ലഭിച്ചിട്ടും, സംഘം എത്തുന്നതിന് മുൻപ് തന്നെ അദ്ദേഹം സ്ഥാനമാറ്റം നടത്തുന്നതായി കണ്ടെത്തി.
മൂന്ന് തവണയെങ്കിലും അന്വേഷണം അദ്ദേഹത്തിൻറെ അടുത്ത് വരെ എത്തിയിട്ടുണ്ടെങ്കിലും, രാഹുൽ ഒഴിവായി നീങ്ങിപ്പോയെന്നാണ് വിവരം.
വിവര ചോർച്ചയെന്ന സംശയത്തെ തുടർന്ന് ക്രൈംബ്രാഞ്ച് പുത്തൻ സംഘത്തെ രൂപീകരിച്ച് ബംഗളൂരുവിലേക്ക് അയച്ചു.
രണ്ടാമത്തെ കേസിലെ പരാതിക്കാരിയുടെ മൊഴി ഉടൻ
രണ്ടാമത്തെ ബലാത്സംഗകേസിലെ പരാതിക്കാരിയുടെ മൊഴി ഉടൻ രേഖപ്പെടുത്താൻ പുതിയ സംഘം സജ്ജമായിട്ടുണ്ട്.
നിലവിൽ കേസിൽ എഫ്ഐആർ മാത്രമേ ഉണ്ടായിരുന്നുള്ളൂ കൂടുതൽ തെളിവുകൾ ശേഖരിക്കുന്നത് വേഗത്തിലാക്കാനാണ് ശ്രമം.
രാഹുലിനെതിരായ ഒന്നാം കേസിൽ ഹൈക്കോടതി അറസ്റ്റ് തടഞ്ഞിട്ടുണ്ടെങ്കിലും, രണ്ടാമത്തെ കേസിൽ അറസ്റ്റ് ചെയ്യുന്നതിന് തടസ്സമില്ലെന്ന് കോടതി വ്യക്തമാക്കി.
നാളെ ജാമ്യാപേക്ഷ പരിഗണനയ്ക്ക്; കേസ് ശക്തിപ്പിക്കാൻ ക്രൈംബ്രാഞ്ചിന്റെ നീക്കം
നാളെ ജില്ലാ സെഷൻസ് കോടതിയിൽ അദ്ദേഹത്തിന്റെ ജാമ്യാപേക്ഷ പരിഗണിക്കാനിരിക്കെ, കേസ് കൂടുതൽ ശക്തിപ്പെടുത്താൻ ആവശ്യമായ രേഖകളും തെളിവുകളും കോടതിയിൽ സമർപ്പിക്കാനാണ് ക്രൈംബ്രാഞ്ച് പദ്ധതിയിടുന്നത്.
പുതിയ അന്വേഷണ സംഘത്തിന്റെ നിയോഗത്തോടൊപ്പം രാഹുലിനെ കണ്ടെത്താനുള്ള നടപടി വ്യാപകമായി ശക്തിപ്പെടുത്തിയിരിക്കുകയാണ്.
മൊഴികളും സാക്ഷ്യങ്ങളും ശേഖരിച്ച് കേസ് വേഗത്തിൽ കോടതിയിലെത്തിക്കാനുള്ള നീക്കം ക്രൈംബ്രാഞ്ച് പുരോഗമിപ്പിക്കുന്നു.
English Summary
Crime Branch has deployed a new special investigation team to locate Palakkad MLA Rahul Mankootathil, who has been absconding in connection with two rape cases. The earlier team was suspected of leaking information, enabling Rahul to escape multiple times just before raids. The new team has moved to Bengaluru and will soon record the complainant’s statement in the second case.
