തൃശൂരില് സ്വകാര്യ ബസ് മറിഞ്ഞു
തൃശ്ശൂര്: സ്വകാര്യ ബസ് മറിഞ്ഞ് 10 യാത്രക്കാർക്ക് പരിക്കേറ്റു. തൃശ്ശൂര് പുറ്റേക്കരയിലാണ് അപകടമുണ്ടായത്. നടുറോഡിന് കുറുകെയാണ് ബസ് മറിഞ്ഞത്.
ബസ് മരത്തിലും കാറിലും ഇടിച്ച ശേഷം മറിയുകയായിരുന്നു. തൃശൂര്, കുന്നംകുളം റോഡില് സര്വീസ് നടത്തുന്ന ജീസസ് ബസാണ് അപകടത്തിൽപ്പെട്ടത്.
ഇന്ന് പുലര്ച്ചെ 5 മണിയോടെയാണ് അപകടമുണ്ടായത്. ആരുടേയും പരിക്ക് സാരമുള്ളതല്ലെന്നാണ് വിവരം.
അപകടത്തെ തുടര്ന്ന് തൃശ്ശൂര്, കുന്നംകുളം റോഡില് ഗതാഗതം സ്തംഭിച്ചു. ബസ് സ്ഥലത്തു നിന്നും മാറ്റാനുള്ള ശ്രമം തുടരുകയാണ്.
തലപ്പാടി അപകടം; ബസ് ഡ്രൈവർ അറസ്റ്റിൽ
കാസർഗോഡ്: തലപ്പാടി വാഹനാപകടത്തിൽ കർണാടക ആർടിസി ബസിന്റെ ഡ്രൈവറെ പോലീസ് അറസ്റ്റ് ചെയ്തു. കർണാടക ബാഗൽകോട്ട് സ്വദേശി നിജലിംഗപ്പ (47) യാണ് അറസ്റ്റിലായത്. ഇയാൾക്കെതിരേ മനപൂർവ്വമല്ലാത്ത നരഹത്യക്ക് ആണ് കേസെടുത്തിരിക്കുന്നത്.
കാസര്കോട്- കര്ണാടക അതിര്ത്തിയായ തലപ്പാടിയിലുണ്ടായ അപകടത്തില് ആറുപേരാണ് മരിച്ചത്. ഓട്ടോറിക്ഷാ ഡ്രൈവര് ഹൈദര് അലി, ആയിഷ, ഹസ്ന, ഖദീജ, നഫീസ, ഹവ്വമ്മ എന്നിവരാണ് മരിച്ചത്.
ഇന്നലെ ഉച്ചതിരിഞ്ഞ് രണ്ടരയോടെയായിരുന്നു ദാരുണമായ അപകടം നടന്നത്. മരിച്ചവരുടെ മൃതദേഹങ്ങള് ആശുപത്രിയിലേക്ക് മാറ്റി. മരിച്ചവരില് നാല് പേര് കര്ണാടക സ്വദേശികളെന്നാണ് വിവരം.കർണാടക ആർടിസിയുടെ ബസ് ആണ് അപകടത്തിൽപ്പെട്ടത്.
ബസിന്റെ ബ്രേക്ക് പോയതാണ് അപകട കാരണം. അമിതവേഗത്തിലെത്തിയ ബസ്, കാത്തിരിപ്പു കേന്ദ്രത്തിലേക്കു പാഞ്ഞുകയറുകയായിരുന്നു എന്ന് ദൃക്സാക്ഷികൾ പറയുന്നു.
കാസര്കോട് നിന്ന് മംഗലാപുരത്തേയ്ക്ക് പോകുകയായിരുന്നു കർണാടക ആർടിസി ബസ്. സര്വീസ് റോഡിലൂടെ പേകേണ്ട ബസ് ദേശീയ പാതയില് കയറി അമിത വേഗതയില് വരികയായിരുന്നുവെന്നാണ് വിവരം. ബസിന്റെ ടയര് തേഞ്ഞ് തീര്ന്ന അവസ്ഥയിലാണെന്ന് നാട്ടുകാര് ആരോപിച്ചു.
അപകടത്തില് പരുക്കേറ്റ സുരേന്ദ്രന്, ലക്ഷ്മി എന്നിവര് ഗുരുതരാവസ്ഥയില് കര്ണാടക മെഡിക്കല് കോളജില് ചികിത്സയിലാണ്.
Summary: A private bus overturned at Puttukkara in Thrissur, leaving 10 passengers injured. The bus lost control and overturned across the road, causing panic among commuters. The injured have been shifted to a nearby hospital
