തമിഴ് സിനിമകളിൽ സഹനടന്റെ വേഷങ്ങളിൽ തിളങ്ങിയ കഞ്ചാ കറുപ്പിനെതിരെ പോലീസ് കേസ്.
ചെന്നൈയിലെ വീട്ടുടമ നൽകിയ പരാതിയിലാണ് നടനെതിരെ കേസെടുത്തത്. ചൈന്ന കൃഷ്ണനഗർ സ്വദേശി രമേശാണ് മധുരവയൽ സ്റ്റേഷനിൽ പരാതി നൽകിയത്.
ചൈന്നൈയിൽ ഷൂട്ടിംഗിന് വരുമ്പോൾ താമസിക്കാൻ നടൻ വാടകയ്ക്ക് എടുത്തിരുന്ന വീടിന്റെ ഉടമയാണ് രമേശ്.
ഇയാൾ 2021-ൽ വാടകയ്ക്ക് എടുത്ത വീട് ഇപ്പോൾ മറ്റൊരു കക്ഷിക്ക് മറിച്ച് നൽകിയെന്നും മൂന്ന് ലക്ഷം രൂപ വാടക ഇനത്തിൽ താരം നൽകാനുണ്ടെന്നും രമേശ് പോലീസിൽ നൽകിയ പരാതിയിൽ പറയുന്നു.
വീട് മറ്റ് പല സാമൂഹിക വിരുദ്ധ പ്രവർത്തനങ്ങൾക്ക് ഉപയോഗിക്കുന്നതായും പരാതിയുണ്ട്.
പൊലീസ് അന്വേഷണം തുടങ്ങി. തമിഴിൽ നൂറിലേറെ ചിത്രങ്ങളിൽ ആരംഭിച്ച കഞ്ചാ കറുപ്പ് മലയാളത്തിൽ കീർത്തി ചക്ര എന്ന ചിത്രത്തിലും മുഖം കാണിച്ചിരുന്നു.
