ആലപ്പുഴ: കസ്റ്റഡിയിൽ നിന്ന് രക്ഷപ്പെടാൻ ശ്രമിച്ച കുറുവാ സംഘാംഗം സന്തോഷ് ശെൽവമാണ് മണ്ണഞ്ചേരിയിൽ മോഷണം നടത്തിയതെന്ന് പോലീസ്. ഇയാളുടെ ശരീരത്തിലെ ടാറ്റൂ ആണ് പ്രതിയെ സ്ഥിരീകരിക്കാൻ നിർണായകമായത്. മോഷണത്തിനിടെ ടാറ്റൂ കണ്ടതായി പൊലീസിന് നൽകിയ മൊഴി പറഞ്ഞിരുന്നു.(Police have confirmed that the thief in Mannancheri is member of Kuruva gang)
നിരവധി മോഷണക്കേസുകളിൽ പ്രതിയാണ് സന്തോഷ് ശെൽവം. പോലീസ് കസ്റ്റഡിയിൽ നിന്നും കൈവിലങ്ങുമായി രക്ഷപ്പെട്ടോടിയ ഇയാളെ പൊലീസ് 4 മണിക്കൂർ നീണ്ട തിരച്ചിലിനൊടുവിലാണ് പിടികൂടിയത്. എറണാകുളം കുണ്ടന്നൂരിൽ കുറുവാ സംഘാംഗങ്ങൾ ഒളിച്ച് താമസിക്കുന്നുണ്ടെന്ന രഹസ്യ വിവരത്തിന്റെ അടിസ്ഥാനത്തിലാണ് ആലപ്പുഴ മണ്ണഞ്ചേരി പൊലീസ് എറണാകുളത്തെത്തി ഇവരെ പിടികൂടിയത്.
അതേസമയം, പൊലീസ് കസ്റ്റഡിയിലുള്ള മണികണ്ഠന്റെ പങ്ക് വ്യക്തമായിട്ടില്ല. മണ്ണഞ്ചേരിയിലും പുന്നപ്രയിലും എത്തിയത് രണ്ട് സംഘങ്ങളെന്നാണ് പൊലീസിന്റെ നിഗമനം.
കോവളം കടപ്പുറത്ത് തിരയിൽപ്പെട്ട് റഷ്യൻ ദമ്പതികൾ; തിരികെ കരയിലെത്തിച്ച് ലൈഫ് ഗാർഡുമാർ: വീഡിയോ കാണാം
