ന്യൂഡൽഹി: ലോക്സഭാ തെരഞ്ഞെടുപ്പിന്റെ പ്രചാരണ പരിപാടികൾ അവസാനിക്കുന്നതോടെ കന്യാകുമാരിയിൽ ധ്യാനമിരിക്കാനൊരുങ്ങി പ്രധാനമന്ത്രി നരേന്ദ്ര മോദി. വിവേകാനന്ദ പാറയിൽ രണ്ടു ദിവസത്തെ ധ്യാനമിരിക്കുമെന്നാണ് സൂചന. 2019ൽ കേദാർനാഥിലെ ഗുഹയിൽ മോദി ധ്യാനമിരുന്നിരുന്നു.
രാജ്യത്ത് അവസാന ഘട്ട വോട്ടെടുപ്പ് നടക്കുന്ന ദിവസമാണ് ഇത്തവണ മോദി ധ്യാനമിരിക്കുക എന്നാണ് വിവരം. മെയ് 30നാണ് തെരഞ്ഞെടുപ്പ് പ്രചാരണം അവസാനിക്കുന്നത്. തുടർന്ന് തിരുവനന്തപുരത്തെത്തിയ ശേഷമാകും പ്രധാനമന്ത്രി കന്യാകുമാരിയിലേക്ക് പുറപ്പെടുക. ധ്യാനത്തിന് ശേഷം ജൂണ് ഒന്നിന് അദ്ദേഹം ഡൽഹിയിലേക്ക് തിരിച്ചു പോകും. ധ്യാനം തുടരാനാണ് തീരുമാനമെങ്കിൽ ജൂൺ ഒന്നിനും മോദി വിവേകാനന്ദ പാറയിൽ തുടരുമെന്നും ആണ് പൊലീസ് വ്യക്തമാക്കി.
Read Also: കാഷ്വാലിറ്റിയിൽ കയറി ബഹളമുണ്ടാക്കി ഡോക്ടറെ തടഞ്ഞു ; നഴ്സ് അറസ്റ്റിൽ
Read Also: ഇടുക്കിയിൽ യുവാവിനെ കാറിടിച്ച് വീഴ്ത്തി ശരീരത്തിലൂടെ കയറ്റിയിറക്കിയ സംഭവം ; പ്രതി അറസ്റ്റിൽ
