ലോക്സഭയില് പ്രധാനമന്ത്രി നരേന്ദ്രമോദിയുമായി സൗഹൃദം പങ്കിട്ട് കോണ്ഗ്രസ് നേതാവ് രാഹുല് ഗാന്ധി. മോദിയെ ഹസ്ദാനം ചെയ്യുന്ന രാഹുല് ഗാന്ധിയുടെ ചിത്രം വൈറലായി. ലോക്സഭ സ്പീക്കറുടെ തെരഞ്ഞെടുപ്പ് വേളയിലായിരുന്നു മോദി-രാഹുല് സൗഹൃദം. (PM Modi, Leader of Opposition Rahul Gandhi shake hands in Parliament)
ലോക്സഭ സ്പീക്കറായി തിരഞ്ഞെടുത്ത എന്ഡിഎ സ്ഥാനാര്ത്ഥി ഓം ബിര്ലയെ ഹസ്തദാനം നല്കി മോദി അനുമോദിച്ചിരുന്നു. ഇതിന് പിന്നാലെ രാഹുല് ഗാന്ധി എഴുന്നേറ്റ് ചെന്ന് ഓം ബിര്ലയ്ക്ക് ഷേക് ഹാന്ഡ് നല്കി അനുമോദിച്ചു. തുടര്ന്നാണ് തൊട്ടടുത്ത് നിന്ന നരേന്ദ്ര മോദിക്ക് ഹസ്തദാനം നല്കി രാഹുല് സൗഹൃദം പുതുക്കിയത്.
ഇതിനുശേഷം പ്രധാനമന്ത്രി നരേന്ദ്ര മോദി, രാഹുല് ഗാന്ധി, കേന്ദ്രമന്ത്രി കിരണ് റിജിജു എന്നിവര് ചേര്ന്ന് ഓം ബിര്ലയെ സ്പീക്കറുടെ ചേംബറിലേക്ക് ആനയിച്ചു. ലോക്സഭ സ്പീക്കര് തെരഞ്ഞെടുപ്പില് എന്ഡിഎ സ്ഥാനാര്ത്ഥി ഓം ബിര്ലയെ ശബ്ദ വോട്ടോടെ തെരഞ്ഞെടുത്തതായി പ്രോട്ടെം സ്പീക്കര് ഭര്തൃഹരി മെഹ്താബാണ് പ്രഖ്യാപിച്ചത്.
18-ാം ലോക്സഭയിലെ പ്രതിപക്ഷ നേതാവായി ഇന്ത്യ മുന്നണി യോഗം രാഹുല്ഗാന്ധിയെ തെരഞ്ഞെടുത്തിരുന്നു. ഗാന്ധി കുടുംബത്തില് നിന്നും പ്രതിപക്ഷ നേതൃപദവിയിലെത്തുന്ന മൂന്നാമത്തെയാളാണ് രാഹുല്ഗാന്ധി. പിതാവ് രാജീവ് ഗാന്ധി, അമ്മ സോണിയാഗാന്ധി എന്നിവരാണ് മുമ്പ് പ്രതിപക്ഷ നേതാവായത്.
#WATCH | Prime Minister Narendra Modi, LoP Rahul Gandhi and Parliamentary Affairs Minister Kiren Rijiju accompany Lok Sabha Speaker Om Birla to the chair. pic.twitter.com/3JfKbCH3nC
— ANI (@ANI) June 26, 2024
