കൊച്ചി: പരിശീലനത്തിന്റെ ഭാഗമായി കൊച്ചി കായലിലേക്ക് ചാടിയ ടാൻസാനിയൻ നാവിക ഉദ്യോഗസ്ഥനെ ഒഴുക്കിൽപ്പെട്ട് കാണാതായി. തേവര പാലത്തിൽ നിന്നാണ് ഉദ്യോഗസ്ഥൻ ചാടിയത്.
കൊച്ചിയിലെ നേവി ആസ്ഥാനത്ത് പരിശീലനത്തിന് വേണ്ടി എത്തിയതായിരുന്നു ഉദ്യോഗസ്ഥൻ. പരിശീലനത്തിന്റെ ഭാഗമായി താഴേക്ക് ചാടിയപ്പോൾ ഒഴുക്കിൽപ്പെടുകയായിരുന്നു.
അതേസമയം, ആരാണ് അപകടത്തിൽ പെട്ടതെന്ന് വ്യക്തതയില്ലെന്ന് നാവികസേന പിആർഒ അറിയിച്ചു. ഉദ്യോഗസ്ഥനായി തെരച്ചിൽ തുടരുകയാണ്. നേവിയും ഫയർഫോഴ്സും ചേർന്നാണ് തെരച്ചിൽ നടത്തുന്നത്.
കാട്ടകാമ്പാല് മള്ട്ടിപര്പ്പസ് സര്വീസ് സൊസൈറ്റി തട്ടിപ്പ്: ഒന്നര വർഷമായി ഒളിവിൽ കഴിഞ്ഞിരുന്ന കോണ്ഗ്രസ് നേതാവ് അറസ്റ്റില്
തൃശൂര് : കോണ്ഗ്രസ് ഭരിക്കുന്ന കാട്ടകാമ്പാല് മള്ട്ടിപര്പ്പസ് സര്വീസ് സഹകരണ സൊസൈറ്റി തട്ടിപ്പ് കേസിലെ പ്രതി പിടിയിൽ. സംഘത്തിന്റെ മുന് സെക്രട്ടറിയും ചീഫ് എക്സിക്യൂട്ടീവ് ഓഫീസറുമായിരുന്ന കാട്ടകാമ്പാല് മൂലേപ്പാട് സ്വദേശി വാക്കാട്ട് വീട്ടില് സജിത്ത് (67) ആണ് അറസ്റ്റിലായത്.
പണയ സ്വര്ണ്ണം, ആധാരങ്ങള്, സാലറി സര്ട്ടിഫിക്കറ്റുകള് എന്നിവ ഉപയോഗിച്ചു രണ്ടു കോടിയുടെ തട്ടിപ്പ് നടത്തിയെന്നാണ് കണ്ടെത്തല്. ബാങ്കില് സഹകാരികള് പണയപ്പെടുത്തിയ സ്വര്ണം തിരിമറി ചെയ്തും പണയപ്പെടുത്തിയും വസ്തു രേഖകളില് തിരിമറി ചെയ്തും സഹകാരികളുടെ വായ്പകളില് കൂടുതല് സംഖ്യ വായ്പയെടുത്തുമാണ് ഇയാൾ തട്ടിപ്പ് നടത്തിയിരുന്നത്.
തട്ടിപ്പുമായി ബന്ധപ്പെട്ട് സൊസൈറ്റി സെക്രട്ടറി സജിത്തിനെതിരെ നിരവധി പരാതികളാണ് വന്നത്. കുന്നംകുളം പൊലീസ് കേസ് രജിസ്റ്റര് ചെയ്തതോടെ, മുന് യുഡിഎഫ് പഞ്ചായത്ത് മെമ്പറായ ഇയാള് ഒളിവില് പോയിരുന്നു. ഒന്നര വര്ഷത്തോളമായി ഇയാള് ഒളിവിലായിരുന്നു.
കഴിഞ്ഞജൂണ് മാസത്തില് മാറഞ്ചേരി സ്വദേശിനിയുടെ പരാതിയിലാണ് തട്ടിപ്പിന്റെ കഥ ആദ്യം പുറത്തുവരുന്നത്. ബാങ്കില് 73 പാക്കറ്റുകളിലായി സൂക്ഷിച്ചിരുന്ന 775 ഗ്രാം സ്വര്ണ്ണം സജിത്ത് ബാങ്കില് നിന്നും കടത്തി തിരിമറി ചെയ്തെന്നായിരുന്നു അന്നത്തെ പരാതി.
പിന്നാലെ ജയന്തി എന്ന സ്ത്രീയും പരാതിയുമായി രംഗത്തെത്തി. ജയന്തിയുടെ 9 ലക്ഷം രൂപയാണ് ബാങ്കിലെ തട്ടിപ്പില് നഷ്ടപ്പെട്ടത്. 2016ല് അങ്കണവാടിക്ക് സ്ഥലം വാങ്ങാന് അഡ്വാന്സ് നല്കാന് ലോണ് നല്കാം എന്ന് പറഞ്ഞു അങ്കണവാടി ടീച്ചറായ പ്രമീളയുടെ ഓണറേറിയം സര്ട്ടിഫിക്കറ്റ് സജിത്ത് വാങ്ങിയിരുന്നു.
