- മായാനഗരത്തിലെ ‘മിതവ്യയം’; മുംബൈ ജീവിതം 18,000-ൽ ഒതുക്കി ശ്രേയ; ‘ഇതൊക്കെ എങ്ങനെ സാധിക്കുന്നു’ എന്ന് മുംബൈ നിവാസികൾ
മുംബൈ: രാജ്യത്തെ ഏറ്റവും ചെലവേറിയ നഗരങ്ങളിലൊന്നായ മുംബൈയിൽ മാസം 18,000 രൂപയ്ക്ക് ജീവിക്കാമെന്ന യുവതിയുടെ അവകാശവാദം സോഷ്യൽ മീഡിയയിൽ ചർച്ചയാകുന്നു.
ശ്രേയ ഗാൻ എന്ന യുവതി ഇൻസ്റ്റഗ്രാമിൽ പങ്കുവെച്ച റീലിലാണ് തന്റെ പ്രതിമാസ ചെലവുകൾ വിശദീകരിച്ചത്. ഒരു മുറിയും അടുക്കളയും ഉള്ള ഫ്ലാറ്റിൽ താമസിക്കുന്ന താൻ വാടകയായി 11,500 രൂപ നൽകുന്നതായും അവൾ പറഞ്ഞു.
വൈദ്യുതി ബിൽ 300 മുതൽ 400 രൂപവരെ, മൊബൈൽ റീചാർജിന് 300 രൂപ, ട്രെയിൻ പാസിന് 265 രൂപ, യാത്രാചെലവിന് ഏകദേശം 300 രൂപ, പലചരക്ക് സാധനങ്ങൾക്ക് 1500 മുതൽ 1800 രൂപ വരെ ചെലവാകുന്നുവെന്നും യുവതി വ്യക്തമാക്കി. ഷോപ്പിങ്ങിനും മറ്റു ചെലവുകൾക്കുമായി കൂടി ഏകദേശം 3000 രൂപ ചെലവാകുമെന്നും അവൾ പറഞ്ഞു.
ഇതെല്ലാം ചേർന്നാൽ മാസം 17,500 മുതൽ 18,000 രൂപ വരെയാണ് ചെലവാകുന്നതെന്നാണ് ശ്രേയയുടെ അവകാശവാദം.
എന്നാൽ, യുവതിയുടെ കണക്കുകൾ സോഷ്യൽ മീഡിയയിൽ വലിയ സംശയങ്ങളുയർത്തി. മുംബൈയിൽ ഇത്ര കുറഞ്ഞ വാടകയ്ക്ക് താമസം ലഭിക്കില്ലെന്നാണ് പലരും പ്രതികരിച്ചത്. വൈദ്യുതി ബിലും മറ്റു ചെലവുകളും ഇതിലേറെ ആയിരിക്കുമെന്നുമാണ് ചിലരുടെ അഭിപ്രായം.
English Summary
Mumbai: A woman’s claim that she can live in Mumbai with a monthly budget of ₹18,000 has gone viral on social media. In an Instagram reel, Shreya Gan detailed her expenses, including ₹11,500 rent, low utility costs, and minimal travel expenses.
However, many users questioned the realism of her claims, especially regarding rent and electricity costs, calling it unrealistic for a city like Mumbai.
