പശ്ചിമ ത്രിപുരയിൽ അമ്മയെ മക്കള് ജീവനോടെ ചുട്ടുകൊന്നു. 62 കാരിയായ സ്ത്രീയെയാണ് രണ്ട് ആണ്മക്കള് ചേര്ന്ന് മരത്തിൽ കെട്ടിയിട്ട് ജീവനോടെ കത്തിച്ചുകൊലപ്പെടുത്തിയത്.Mother burnt alive by her children in Tripura
കുടുംബ വഴക്കാകാം കൊലപാതകത്തിലേക്ക് നയിച്ചതെന്ന് സംശയിക്കുന്നതായും മക്കളെ അറസ്റ്റ് ചെയ്തതായും പൊലീസ് പറഞ്ഞു.
ചമ്പക്നഗർ പോലീസ് സ്റ്റേഷൻ പരിധിയിലെ ഖമർബാരിയിൽ ശനിയാഴ്ച രാത്രിയാണ് സംഭവം. ഒന്നര വർഷം മുമ്പ് ഭർത്താവിനെ നഷ്ടപ്പെട്ട ഇവർ രണ്ട് ആൺമക്കൾക്കൊപ്പമാണ് താമസിച്ചിരുന്നത്. മറ്റൊരു മകൻ അഗർത്തലയിലാണ് താമസിച്ചിരുന്നത്.
മക്കളെ ചോദ്യം ചെയ്യലിനായി പൊലീസ് കസ്റ്റഡിയിൽ ആവശ്യപ്പെട്ട് തിങ്കളാഴ്ച കോടതിയിൽ ഹാജരാക്കും. സംഭവത്തില് അന്വേഷണം നടക്കുകയാണെന്നും പോലീസ് കൂട്ടിച്ചേർത്തു
