തൃശൂരിൽ അമ്മയും മകനും മരിച്ച നിലയിൽ; യുവാവിന്റെ മൃതദേഹം കിടന്നിരുന്നത് ടെറസിന് മുകളിൽ

തൃശൂർ: അമ്മയേയും മകനേയും മരിച്ച നിലയിൽ കണ്ടെത്തി. തൃശൂർ ഒല്ലൂരിലാണ് സംഭവം. ഒല്ലൂർ മേൽപ്പാലത്തിനു സമീപം കാട്ടികുളം അജയന്റെ ഭാര്യ മിനി (56), മകൻ ജെയ്തു എന്നിവരാണ് മരിച്ചത്. (Mother and Son found dead in thrissur)

ഇന്ന് പുലർച്ചെ 5 മണിയോടെ ഭർത്താവ് അജയനാണ് മിനിയെ വീടിനുള്ളിൽ മരിച്ച നിലയിൽ കണ്ടത്. ഉടൻ തന്നെ അജയൻ അയൽക്കാരെ വിവരമറിയിച്ചു. തുടർന്നു നടത്തിയ പരിശോധനയിലാണ് ടെറസിനു മുകളിൽ ജെയ്തു മരിച്ചു കിടക്കുന്നത് കണ്ടത്.

വിഷം ഉള്ളിൽ ചെന്നാണ് ഇരുവരും മരിച്ചതെന്നാണ് സംശയം.