‘എനിക്ക് ഭയങ്കര ഇഷ്ടമാണ്’; എം. ശിവപ്രസാദിനെ പുകഴ്ത്തി മീനാക്ഷി
യുവതലമുറ രാഷ്ട്രീയത്തെ കുറിച്ചുള്ള അഭിപ്രായങ്ങളിലൂടെ ശ്രദ്ധ നേടി മലയാളികളുടെ പ്രിയങ്കരിയായ നടിയും അവതാരകയുമായ മീനാക്ഷി അനൂപ്.
ഒരു അഭിമുഖത്തിനിടെ, എസ്.എഫ്.ഐ സംസ്ഥാന പ്രസിഡന്റായ എം. ശിവപ്രസാദിനെ അഭിനന്ദിച്ച മീനാക്ഷിയുടെ വാക്കുകളാണ് ഇപ്പോൾ സോഷ്യൽ മീഡിയയിൽ വ്യാപകമായി പ്രചരിക്കുന്നത്.
‘കക്ഷി രാഷ്ട്രീയമല്ല, കാര്യമുള്ള രാഷ്ട്രീയം’
“യൂത്തിൽ ഒരാളുണ്ട്… എസ്.എഫ്.ഐ സംസ്ഥാന പ്രസിഡന്റ് എം. ശിവപ്രസാദ്. ചേട്ടനെ എനിക്ക് ഭയങ്കര ഇഷ്ടമാണ്. ഞാൻ സ്ഥിരം കേൾക്കുന്ന ഒരാളാണ്. കക്ഷി രാഷ്ട്രീയമല്ല ഞാൻ പറയുന്നത്. പാർട്ടിയെക്കാൾ ഉപരി കാര്യമുള്ള കാര്യങ്ങൾ സംസാരിക്കുന്ന നേതാക്കളുണ്ട്. അവർ പറയുന്നതിൽ കാര്യമുണ്ടാകും. അങ്ങനെ ഉള്ളവരെ എനിക്ക് ഭയങ്കര ഇഷ്ടമാണ്” — എന്നായിരുന്നു മീനാക്ഷിയുടെ പ്രതികരണം.
അനുകൂലവും പ്രതികൂലവും ഒരേസമയം
മീനാക്ഷിയുടെ വാക്കുകൾക്ക് സോഷ്യൽ മീഡിയയിൽ ശക്തമായ പ്രതികരണമാണ് ലഭിക്കുന്നത്.
ചിലർ താരത്തിന്റെ നിലപാടിനെ അഭിനന്ദിക്കുമ്പോൾ, രാഷ്ട്രീയ പരാമർശം വേണ്ടായിരുന്നുവെന്ന് അഭിപ്രായപ്പെടുന്നവരും രംഗത്തെത്തി.
ഇതോടെ വിഷയം ഓൺലൈൻ ചർച്ചകളുടെ കേന്ദ്രമായി.
സിനിമാ അപ്ഡേറ്റ്
മീനാക്ഷിയുടേതായി ഏറ്റവും ഒടുവിൽ റിലീസ് ചെയ്തത് ‘പ്രൈവറ്റ്’ എന്ന ചിത്രമാണ്.
ഇന്ദ്രൻസ് പ്രധാന വേഷത്തിലെത്തിയ ചിത്രം നവാഗതനായ ദീപക് ഡിയോൺ സംവിധാനം ചെയ്തതാണ്.
ചിത്രം ഇപ്പോൾ മനോരമ മാക്സിലൂടെ സ്ട്രീം ചെയ്യാം.
English Summary:
Actress Meenakshi Anoop has sparked online discussions after praising SFI state president M. Shivaprasad during an interview, saying she admires leaders who speak with substance beyond party politics. Her remarks have drawn both support and criticism across social media.
