വിവാഹ വാഗ്ദാനം നൽകി പിന്മാറിയാൽ രക്ഷയില്ല; ലിവ്-ഇൻ ബന്ധങ്ങളിലെ സ്ത്രീകൾക്ക് സംരക്ഷണം ഉറപ്പാക്കി മദ്രാസ് ഹൈക്കോടതി

വിവാഹ വാഗ്ദാനം നൽകി പിന്മാറിയാൽ രക്ഷയില്ല; ലിവ്-ഇൻ ബന്ധങ്ങളിലെ സ്ത്രീകൾക്ക് സംരക്ഷണം ഉറപ്പാക്കി മദ്രാസ് ഹൈക്കോടതി

ചെന്നൈ: ലിവ്-ഇൻ ബന്ധങ്ങളിലെ സ്ത്രീകൾക്കും ഭാര്യയ്ക്ക് സമാനമായ നിയമപരമായ സംരക്ഷണം നൽകണമെന്ന് മദ്രാസ് ഹൈക്കോടതിയുടെ മധുര ബെഞ്ച്.

വിവാഹ വാഗ്ദാനം നൽകി ശാരീരിക ബന്ധത്തിൽ ഏർപ്പെടുകയും പിന്നീട് പിന്മാറുകയും ചെയ്തെന്ന പരാതിയിൽ യുവാവിന്റെ മുൻകൂർ ജാമ്യാപേക്ഷ തള്ളിക്കൊണ്ടാണ് കോടതി നിർണായക നിരീക്ഷണം നടത്തിയത്.

പിണറായി വിജയനെ മുന്നണിയിലേക്ക് ക്ഷണിച്ച് രാംദാസ് അത്താവലെ; ‘കേരള രാഷ്ട്രീയം പഠിക്കണമെന്ന്’ എംവി ഗോവിന്ദൻ

വിവാഹ വാഗ്ദാനം ലംഘിച്ചാൽ നിയമം ഇടപെടും

തിരുച്ചിറപ്പള്ളി ജില്ലയിലെ മണപ്പാറൈ ഓൾ വുമൺ പൊലീസ് സ്റ്റേഷനിൽ രജിസ്റ്റർ ചെയ്ത കേസിലാണ് യുവാവ് മുൻകൂർ ജാമ്യം തേടിയത്.

വിവാഹ വാഗ്ദാനം നൽകി പലതവണ ശാരീരിക ബന്ധത്തിൽ ഏർപ്പെട്ട ശേഷം യുവാവ് വാഗ്ദാനം ലംഘിച്ചുവെന്നാണ് യുവതിയുടെ പരാതി.

ഈ സാഹചര്യത്തിൽ, ഭാരതീയ ന്യായ സംഹിതയിലെ (BNS) സെക്ഷൻ 69 പ്രകാരം പ്രതിക്കെതിരെ പ്രഥമദൃഷ്ട്യാ കേസ് നിലനിൽക്കുന്നതായി കോടതി വിലയിരുത്തി.

ലിവ്-ഇൻ ബന്ധങ്ങളിൽ സ്ത്രീകൾ കൂടുതൽ ദുരുപയോഗം ചെയ്യപ്പെടുന്നു

ആധുനിക കാലത്ത് ലിവ്-ഇൻ ബന്ധങ്ങൾ സാധാരണമായിട്ടുണ്ടെങ്കിലും, ഇത്തരം ബന്ധങ്ങളിൽ സ്ത്രീകൾക്ക് വിവാഹിതർക്കുള്ളപോലെ നിയമപരമായ സുരക്ഷ ഇല്ലെന്ന് ജസ്റ്റിസ് എസ്. ശ്രീമതി ചൂണ്ടിക്കാട്ടി.

ഈ നിയമപരമായ ശൂന്യത ദുരുപയോഗം ചെയ്ത് സ്ത്രീകളെ ഉപേക്ഷിക്കുന്ന പ്രവണത വർധിക്കുന്നുവെന്നും കോടതി നിരീക്ഷിച്ചു.

സാംസ്കാരിക ആഘാതം’ എങ്കിലും സംരക്ഷണം അനിവാര്യമാണ്

ലിവ്-ഇൻ ബന്ധങ്ങളെ ഇന്ത്യയിൽ ‘സാംസ്കാരിക ആഘാതം’ എന്ന നിലയിൽ കാണാമെങ്കിലും, ഇത്തരം ബന്ധങ്ങളിൽ പ്രവേശിക്കുന്ന സ്ത്രീകളെ നിയമപരമായി സംരക്ഷിക്കേണ്ടത് കോടതികളുടെ ഉത്തരവാദിത്തമാണെന്ന് ജസ്റ്റിസ് പറഞ്ഞു.

ബന്ധം വഷളാകുമ്പോൾ സ്ത്രീയുടെ സ്വഭാവത്തെ ചോദ്യം ചെയ്ത് പുരുഷൻ രക്ഷപ്പെടുന്ന പ്രവണത അംഗീകരിക്കാനാകില്ലെന്നും കോടതി പറഞ്ഞു.

പുരുഷന്മാർക്ക് നിയമത്തിൽ നിന്ന് രക്ഷയില്ല

വിവാഹ വാഗ്ദാനം നൽകി സ്ത്രീകളെ വഞ്ചിക്കുന്ന പുരുഷന്മാർക്ക് നിയമപരമായ പ്രത്യാഘാതങ്ങളിൽ നിന്ന് ഒഴിഞ്ഞുമാറാനാകില്ലെന്ന് കോടതി കർശനമായി മുന്നറിയിപ്പ് നൽകി.

ഇതിന്റെ അടിസ്ഥാനത്തിലാണ് യുവാവിന്റെ മുൻകൂർ ജാമ്യാപേക്ഷ തള്ളിയത്.

English Summary:

The Madras High Court’s Madurai Bench ruled that women in live-in relationships deserve legal protection similar to that of wives. Dismissing a man’s anticipatory bail plea, the court held that men who promise marriage, engage in a physical relationship, and later withdraw cannot escape legal consequences. The court emphasized the need to protect women from exploitation in modern relationships.