കോഴിക്കോട്ട് എസ്.ഐക്കും കുടുംബത്തിനും നേരെ ഗുണ്ടാ ആക്രമണം; മകളുടെ സ്വർണ്ണമാല കവർന്നു

കോഴിക്കോട്ട് എസ്.ഐക്കും കുടുംബത്തിനും നേരെ ഗുണ്ടാ ആക്രമണം; മകളുടെ സ്വർണ്ണമാല കവർന്നു

കോഴിക്കോട്: ഗതാഗത തടസം ഉണ്ടായ സാഹചര്യത്തിൽ വാഹനം പിറകോട്ടെടുക്കാൻ ആവശ്യപ്പെട്ട എസ്.ഐയെയും കുടുംബത്തെയും നടുറോഡിൽ ആക്രമിച്ച് ആറംഗ സംഘം. മെഡിക്കൽ കോളേജ് പൊലീസ് സ്റ്റേഷനിലെ എസ്.ഐയും വേങ്ങേരി സ്വദേശിയുമായ കല്ലുവീട്ടിൽ അനിൽകുമാറിനും കുടുംബത്തിനുമാണ് ആക്രമണം നേരിട്ടത്. ശനിയാഴ്ച രാത്രി 10.25ഓടെ ചെറുകുളത്ത് സംഭവം നടന്നു.

എതിരേ വന്ന വാഹനത്തെ തുടർന്ന് റോഡിൽ ഗതാഗത തടസം രൂപപ്പെട്ടു. ഇതോടെ വാഹനം പിറകോട്ടെടുക്കാൻ ആവശ്യപ്പെട്ടപ്പോൾ സംഘാംഗങ്ങൾ അനിൽകുമാറിനെ അസഭ്യം വിളിക്കുകയും തുടർന്ന് ആക്രമിക്കുകയും ചെയ്തു. കാറിലുണ്ടായിരുന്ന മകളുടെ കഴുത്തിൽ ഉണ്ടായിരുന്ന ഒരുപവൻ സ്വർണമാല പിടിച്ചുപറിച്ചതായും പരാതി പറയുന്നു.

മകളുടെ പരാതിയുടെ അടിസ്ഥാനത്തിൽ എലത്തൂർ പൊലീസ് കേസെടുത്തു അന്വേഷണം ആരംഭിച്ചു. കോളിയേരിത്താഴം സ്വദേശിയായ പ്രജിത്ത്, ബദിരൂർ സ്വദേശിയായ സലീഷ് എന്നിവരുള്‍പ്പെടെ ആറുപേരെതിരെ കേസെടുത്തിട്ടുണ്ട്. പ്രതികൾക്കായി തിരച്ചിൽ തുടരുകയാണ്.

English Summary
An SI and his family were attacked by a six-member gang in Kozhikode after he asked them to reverse their vehicle due to traffic obstruction. The attackers abused and assaulted him and also snatched a gold chain from his daughter. Police have registered a case and launched a search for the accused.

kozhikode-si-attacked-family-chain-snatching-case

Kozhikode News, Police Attack, Chain Snatching, Kerala Crime, Elathur Police, Road Rage