അങ്കണവാടിയിൽ നിന്ന് മടങ്ങുന്നതിനിടെ പിക്കപ്പ് ഇടിച്ചു; മൂന്നര വയസുകാരന് ദാരുണാന്ത്യം
കോഴിക്കോട്: അങ്കണവാടിയിൽ നിന്ന് അമ്മയോടൊപ്പം വീട്ടിലേക്ക് മടങ്ങുകയായിരുന്ന മൂന്നര വയസുകാരനെ പിക്കപ്പ് വാഹനം ഇടിച്ച് ദാരുണാന്ത്യം. കായണ്ണ കാപ്പുമ്മൽ സ്വദേശികളായ ബബിലേഷിന്റെയും ദീഷ്ണയുടെയും ഏകമകൻ ആര്യനാണ് മരിച്ചത്.
ഇന്ന് ഉച്ചയ്ക്ക് മൂന്ന് മണിയോടെ കൂടത്താംപൊയിൽ അങ്കണവാടിക്ക് സമീപമാണ് അപകടം ഉണ്ടായത്. അമ്മയ്ക്കൊപ്പം അങ്കണവാടിയിൽ നിന്ന് വീട്ടിലേക്ക് മടങ്ങുന്നതിനിടെ റിവേഴ്സ് വന്ന പിക്കപ്പ് വാഹനം കുട്ടിയുടെ മേൽ കയറി ഇറങ്ങുകയായിരുന്നു.
പേരാമ്പ്രയിലെ ഒരു ഗ്യാസ് ഏജൻസിക്ക് വേണ്ടി ഗ്യാസ് വിതരണം നടത്തുന്ന പിക്കപ്പാണ് അപകടത്തിൽപ്പെട്ടത്. സംഭവത്തെ തുടർന്ന് പ്രദേശത്ത് ദുഃഖവാതാവരം നിറഞ്ഞു.
English Summary
A three-and-a-half-year-old boy died after being hit by a reversing pickup vehicle near an anganwadi in Kozhikode. The child was returning home with his mother when the accident occurred.
