പുലർച്ചെ രണ്ടോടെ നഗരത്തെ ഭീതിയിലാക്കി തീപിടിത്തം; കൊല്ലത്ത് തുണിക്കടയിൽ വൻ നാശനഷ്ടം
കൊല്ലം: കൊല്ലം നഗരത്തിൽ തുണിക്കടയിൽ അഗ്നിബാധ. ചാമക്കട മാർക്കറ്റിന് സമീപം വടയാറ്റുകോട്ടയിൽ പ്രവർത്തിക്കുന്ന ‘റൊമാൻസ്’ തുണിക്കടയിലാണ് ഇന്ന് പുലർച്ചെ തീപ്പിടിത്തം ഉണ്ടായത്.
തിങ്കളാഴ്ച പുലർച്ചെ രണ്ടുമണിയോടെയാണ് സംഭവം. കടയിൽ നിന്നുയർന്ന തീ വേഗത്തിൽ പടർന്നതോടെ പ്രദേശത്ത് ആശങ്ക പരന്നിരുന്നു.
വിവരം ലഭിച്ചതിനെ തുടർന്ന് ഏഴോളം അഗ്നിശമന സേനാ യൂണിറ്റുകൾ സ്ഥലത്തെത്തി തീ നിയന്ത്രണവിധേയമാക്കാനുള്ള ശ്രമം തുടരുകയാണ്. തീപിടിത്തത്തിന്റെ കാരണം വ്യക്തമല്ല.
സംഭവത്തിൽ വലിയ നാശനഷ്ടം ഉണ്ടായിട്ടുണ്ടാകാമെന്നാണു പ്രാഥമിക വിലയിരുത്തൽ. കൂടുതൽ വിവരങ്ങൾ ലഭ്യമാകാനിരിക്കുകയാണ്.
English Summary
A fire broke out at a textile shop in Kollam early morning. Fire and rescue teams rushed to the spot and are working to control the blaze. The cause of the fire is yet to be determined.
