എറണാകുളം ബ്രോഡ്വേയിൽ വൻ തീപിടിത്തം
കൊച്ചി: എറണാകുളത്തെ തിരക്കേറിയ വ്യാപാര മേഖലയായ ബ്രോഡ്വേയിൽ വൻ തീപിടിത്തം. ശ്രീധർ തിയേറ്ററിന് സമീപമുള്ള കടകളിലാണ് പുലർച്ചെ ഒന്നരയോടെ തീപിടിത്തമുണ്ടായത്.
ഫാൻസി സാധനങ്ങളും കളിപ്പാട്ടങ്ങളും വിൽക്കുന്ന ഏകദേശം 12 ഓളം കടകൾ പൂർണമായും കത്തിനശിച്ചു.
കടകളിൽ പ്ലാസ്റ്റിക് വസ്തുക്കൾ കൂടുതലായിരുന്നതിനാൽ തീ അതിവേഗം പടർന്നുവെന്നാണ് വിവരം.
വിവരം ലഭിച്ച ഉടൻ ഫയർഫോഴ്സ് യൂണിറ്റുകൾ സ്ഥലത്തെത്തി തീയണക്കാനുള്ള ശ്രമങ്ങൾ തുടരുകയാണ്. തീപിടിത്തത്തിന്റെ കാരണം ഇതുവരെ വ്യക്തമായിട്ടില്ല.
സംഭവത്തിൽ ആളപായമുണ്ടായിട്ടില്ലെന്നാണ് പ്രാഥമിക വിവരം. തീപിടിത്തത്തെ തുടർന്ന് ബ്രോഡ്വേ മേഖലയിലാകെ ഗതാഗത നിയന്ത്രണങ്ങളും ഏർപ്പെടുത്തിയിട്ടുണ്ട്.
നഷ്ടനഷ്ടങ്ങളുടെ കണക്ക് പിന്നീട് വ്യക്തമാകുമെന്നാണ് അധികൃതർ അറിയിച്ചത്.
English Summary
A massive fire broke out in Kochi’s busy Broadway market area early morning around 1.30 am. Nearly 12 shops near Sreedhar Theatre, mainly selling fancy items and toys, were completely gutted. Fire spread rapidly due to plastic materials stored inside the shops. Fire force units rushed to the spot and are engaged in firefighting operations. No casualties have been reported so far, and the cause of the fire remains unknown.
Kochi-Broadway-Major-Fire-Incident
Kochi, Broadway fire, Ernakulam news, Fire accident, Kerala news, Shop fire, Fire force
