കണ്ണൂർ: സംസ്ഥാനത്തെ ജയിലുകളിൽ ഇനി മുതൽ മീൻ കറിക്കും വറുത്ത മീനിനും രുചിയേറും.
ജയിൽ പുള്ളികൾക്കുള്ള ഭക്ഷണത്തിൽ ഗുണനിലവാരമുള്ള മത്സ്യം ഉറപ്പാക്കാൻ ജയിൽ വകുപ്പും മത്സ്യഫെഡും കൈകോർക്കുന്നു.
ഏപ്രിൽ ഒന്നു മുതൽ സംസ്ഥാനത്തെ 57 ജയിലുകളിലും മത്സ്യഫെഡ് നേരിട്ട് മത്സ്യം എത്തിച്ചു തുടങ്ങും.
പ്രാദേശിക വിപണിയെ ഒഴിവാക്കി ഹാർബറിൽ നിന്ന് നേരിട്ട്; ജയിലുകളിൽ ഇനി ഗുണനിലവാരമുള്ള മീൻ വിഭവങ്ങൾ!
നിലവിൽ പ്രാദേശിക മാർക്കറ്റുകളിൽ നിന്നാണ് ജയിലുകളിലേക്ക് ആവശ്യമായ മത്സ്യം എത്തിക്കുന്നത്.
എന്നാൽ പലപ്പോഴും ലഭ്യതക്കുറവ് കാരണവും ഗുണനിലവാരമില്ലാത്തതിനാലും മെനുവിലെ മീൻ വിഭവങ്ങൾ മുടങ്ങുന്ന സാഹചര്യം ഉണ്ടാകാറുണ്ട്.
ഇത് പൂർണ്ണമായും പരിഹരിക്കാനാണ് ഹാർബറുകളിൽ നിന്ന് നേരിട്ട് മത്സ്യം ജയിലുകളിൽ എത്തിക്കാൻ ജയിൽ വകുപ്പും മത്സ്യഫെഡും തമ്മിൽ ധാരണയായത്.
തടവുകാരുടെ ഭക്ഷണക്രമത്തിൽ ആഴ്ചയിൽ രണ്ട് ദിവസമാണ് മത്സ്യവിഭവങ്ങൾ ഉൾപ്പെടുത്തിയിരിക്കുന്നത്.
അയലയും മത്തിയും ചൂരയും ഇനി വെട്ടി വൃത്തിയാക്കി ജയിലിലെത്തും; പാചകം ഇനി കൂടുതൽ എളുപ്പം
മത്സ്യഫെഡ് സമർപ്പിച്ച 25 ഇനം മത്സ്യങ്ങളുടെ പട്ടികയിൽ നിന്ന് ജയിൽ വകുപ്പ് പ്രധാനമായും മൂന്നിനങ്ങളാണ് തിരഞ്ഞെടുത്തത്.
മത്തി, അയല, ചൂര എന്നിവയാണിവ. ഇവ വെറുതെ ജയിലിലെത്തിക്കുകയല്ല ചെയ്യുന്നത്,
മറിച്ച് പാചകം ചെയ്യാൻ പാകത്തിൽ കറിക്കഷണങ്ങളാക്കി (Cleaned & Cut) നൽകുമെന്നതാണ് ഈ പദ്ധതിയുടെ പ്രധാന പ്രത്യേകത.
ഇത് ജയിൽ അടുക്കളകളിലെ ജോലിഭാരം കുറയ്ക്കാനും ശുചിത്വം ഉറപ്പാക്കാനും സഹായിക്കും.
ഫെബ്രുവരിയിൽ മാത്രം 24,000-ത്തിലധികം പുതിയ കമ്പനികൾ; ബിസിനസ് രംഗത്ത് വൻ വളർച്ച
പുത്തൻ ശീതീകരണ വാഹനങ്ങളും കൗണ്ടറുകളിൽ പുതിയ ഉൽപ്പന്നങ്ങളും; മത്സ്യഫെഡിന്റെ വമ്പൻ കുതിപ്പ്
മത്സ്യം കേടുകൂടാതെയും ഫ്രഷ് ആയും എത്തിക്കുന്നതിനായി മത്സ്യഫെഡ് പുതുതായി വാങ്ങിയ ശീതീകരണ സൗകര്യമുള്ള എട്ട് പ്രത്യേക വാഹനങ്ങളാണ് വിതരണത്തിനായി സജ്ജമാക്കിയിരിക്കുന്നത്.
ഇതിനു പുറമെ, ജയിൽ കൗണ്ടറുകൾ വഴി പൊതുജനങ്ങൾക്ക് വാങ്ങാനായി മത്സ്യഫെഡിന്റെ പ്രീമിയം ഉൽപ്പന്നങ്ങളായ മീൻ അച്ചാർ, ഉണക്കച്ചെമ്മീൻ അച്ചാർ എന്നിവയും വിതരണത്തിന് എത്തും.
ജയിലുകൾ കേന്ദ്രീകരിച്ചുള്ള ഈ പുതിയ വിപണനത്തിലൂടെ മത്സ്യഫെഡിന്റെ വരുമാനം ഗണ്യമായി വർദ്ധിപ്പിക്കാനാകുമെന്ന് എംഡി ഡോ. പി. സഹദേവൻ വ്യക്തമാക്കി.
English Summary:
From April 1st, Matsyafed will directly supply fresh, cleaned fish to all 57 jails in Kerala. Moving away from local vendors ensures quality and availability for the bi-weekly fish meals served to prisoners. Using 8 new refrigerated vans, Matsyafed will deliver cleaned Sardine, Mackerel, and Tuna. Additionally, value-added products like fish pickles will be sold to the public through jail counters, boosting Matsyafed’s revenue.
