ചുട്ടുപഴുക്കുന്നു; കടുത്ത ചൂടിൽ ഓട്ടോറിക്ഷയുടെ ചില്ല് പൊട്ടിത്തെറിച്ചു!

ചുട്ടുപഴുക്കുന്നു; കടുത്ത ചൂടിൽ ഓട്ടോറിക്ഷയുടെ ചില്ല് പൊട്ടിത്തെറിച്ചു!

പാലക്കാട്: സംസ്ഥാനത്ത് വേനൽച്ചൂട് രൂക്ഷമാകുന്നതിനിടെ പാലക്കാട് ജില്ലയിൽ അപൂർവ സംഭവം. കടുത്ത ചൂടിനെ തുടർന്ന് മണ്ണാർക്കാട് കോടതിപ്പടിയിൽ നിർത്തിയിട്ടിരുന്ന ഓട്ടോറിക്ഷയുടെ ഗ്ലാസ് പൊട്ടിയതായി റിപ്പോർട്ട്. ചില്ല് തകർന്നതിനെ തുടർന്ന് ഡ്രൈവർ ജംഷീറിന് നിസാര പരിക്ക് പറ്റി.

കേന്ദ്ര കാലാവസ്ഥാ വകുപ്പിന്റെ റിപ്പോർട്ട് പ്രകാരം സംസ്ഥാനത്ത് വരും ദിവസങ്ങളിലും ഉയർന്ന താപനില തുടരുമെന്നാണ് മുന്നറിയിപ്പ്. ചിലയിടങ്ങളിൽ ഉഷ്ണതരംഗത്തിന് സമാനമായ സാഹചര്യം നിലനിൽക്കുന്നതായും അധികൃതർ അറിയിച്ചു.

വയനാടും ഇടുക്കിയും ഒഴികെയുള്ള 12 ജില്ലകളിൽ മഞ്ഞ അലർട്ട് പ്രഖ്യാപിച്ചു. പാലക്കാട് ജില്ലയിൽ താപനില 40 ഡിഗ്രി സെൽഷ്യസ് വരെ ഉയരാനിടയുണ്ടെന്ന് മുന്നറിയിപ്പുണ്ട്.

അതേസമയം, അടുത്ത നാല് ദിവസങ്ങളിൽ ചില ജില്ലകളിൽ നേരിയ മഴയ്ക്കും സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. തെക്കൻ ജില്ലകളിൽ മഴ ലഭിക്കാമെങ്കിലും വടക്കൻ മേഖലകളിൽ വരണ്ട കാലാവസ്ഥ തുടരുമെന്നാണ് പ്രവചനം.

English Summary

Palakkad: Amid rising temperatures across Kerala, an autorickshaw’s glass reportedly shattered due to extreme heat in Mannarkkad, injuring the driver slightly.

The India Meteorological Department has issued a yellow alert in 12 districts, warning of high temperatures, with Palakkad expected to reach up to 40°C. While heatwave-like conditions persist, light rain is also expected in some districts over the next few days.