പുണ്യമായി അക്ഷയ തൃതീയ; സമ്പദ്സമൃദ്ധിയുടെയും സദ്കർമ്മങ്ങളുടെയും അക്ഷയദിനം ഇന്ന്; ഐശ്വര്യം തേടി വിശ്വാസികൾ; സ്വർണ്ണ വിപണിയിലും തിരക്ക്
ഐശ്വര്യത്തിന്റെയും സമ്പദ്സമൃദ്ധിയുടെയും പ്രതീകമായ അക്ഷയ തൃതീയ ഇന്ന് ആചരിക്കുന്നു. വൈശാഖ മാസത്തിലെ ശുക്ലപക്ഷത്തിലെ മൂന്നാമത്തെ തിഥിയായതിനാലാണ് ഈ ദിനം അക്ഷയ തൃതീയയായി അറിയപ്പെടുന്നത്.
ഈ ദിവസം ചെയ്യുന്ന സദ്കർമ്മങ്ങളുടെ ഫലം ക്ഷയിക്കില്ലെന്നാണ് വിശ്വാസം. അതുകൊണ്ടുതന്നെ ഈ ദിനത്തിൽ ദാനം, പൂജ, പുതിയ സംരംഭങ്ങളുടെ ആരംഭം തുടങ്ങിയവയ്ക്ക് പ്രത്യേക പ്രാധാന്യമുണ്ട്.
പുരാണങ്ങൾ അനുസരിച്ച് മഹാവിഷ്ണുവിന്റെ അവതാരമായ പരശുരാമന്റെ ജനനം ഈ ദിവസമാണ്. ഗംഗാനദി ഭൂമിയിലേക്ക് അവതരിച്ചതും അക്ഷയ തൃതീയ ദിനത്തിലാണെന്നാണ് വിശ്വാസം.
ശ്രീകൃഷ്ണൻ പാഞ്ചാലിക്ക് അക്ഷയപാത്രം നൽകിയതും, കുചേലൻ കൃഷ്ണനെ സന്ദർശിച്ചതും, വേദവ്യാസൻ മഹാഭാരത രചന ആരംഭിച്ചതും ഈ ദിനവുമായി ബന്ധപ്പെട്ട് പറയപ്പെടുന്ന വിശേഷങ്ങളാണ്.
ഈ ദിവസം ആരംഭിക്കുന്ന സംരംഭങ്ങൾ അഭിവൃദ്ധിയിലേക്ക് നയിക്കുമെന്നാണ് വിശ്വാസം. അതിനാൽ രാജ്യത്തിന്റെ വിവിധ ഭാഗങ്ങളിൽ ആളുകൾ പുതിയ ബിസിനസുകൾ ആരംഭിക്കുകയും സ്വർണ്ണ നിക്ഷേപങ്ങൾ നടത്തുകയും ചെയ്യാറുണ്ട്.
English Summary
Akshaya Tritiya, considered a symbol of prosperity and wealth, is being celebrated today. It falls on the third lunar day of the bright half of the Vaishakha month.
It is believed that good deeds performed on this day bring everlasting benefits. Many people start new ventures or invest in gold on this auspicious occasion. The day is also associated with several mythological events, including the birth of Parashurama and the descent of the Ganga to Earth.
Akshaya Tritiya, festival, Hindu tradition, prosperity, gold investment, Kerala culture, auspicious day, lifestyle
