പൊള്ളുന്ന ചൂട്; സംസ്ഥാനത്ത് താപനില ഉയരുന്നു, 11 ജില്ലകളിൽ യെല്ലോ അലർട്ട്
തിരുവനന്തപുരം: സംസ്ഥാനത്ത് കടുത്ത ചൂട് തുടരുന്നതിനിടെ 11 ജില്ലകളിൽ യെല്ലോ അലർട്ട് പ്രഖ്യാപിച്ചു.
സാധാരണയേക്കാൾ 2–3 ഡിഗ്രി സെൽഷ്യസ് വരെ താപനില ഉയരാൻ സാധ്യതയുണ്ടെന്ന് കാലാവസ്ഥ നിരീക്ഷണ കേന്ദ്രം അറിയിച്ചു.
ജില്ലകളിൽ താപനില പ്രവചനം
- കൊല്ലം, കോട്ടയം, പാലക്കാട്: 37°C വരെ
- തിരുവനന്തപുരം, ആലപ്പുഴ, പത്തനംതിട്ട, എറണാകുളം, തൃശ്ശൂർ, മലപ്പുറം, കോഴിക്കോട്, കണ്ണൂർ: 36°C വരെ
അടുത്ത ദിവസങ്ങളിലും ഉയർന്ന താപനില തുടരുമെന്ന് മുന്നറിയിപ്പുണ്ട്.
ഉയർന്ന UV സൂചിക സമയങ്ങൾ
രാവിലെ 10 മുതൽ ഉച്ചയ്ക്ക് 3 വരെ ഉയർന്ന അൾട്രാവയലറ്റ് (UV) കിരണങ്ങൾ രേഖപ്പെടുത്തും. ഈ സമയത്ത് നേരിട്ട് സൂര്യപ്രകാശത്തിൽ കൂടുതൽ സമയം ചെലവഴിക്കുന്നത് ഒഴിവാക്കണം.
അടിയന്തര ഗർഭനിരോധന ഗുളികകൾക്ക് കടുത്ത നിയന്ത്രണം? മുന്നറിയിപ്പുകൾ നിർബന്ധമാക്കാൻ കേന്ദ്ര നീക്കം
ആരോഗ്യ പ്രശ്നങ്ങൾക്ക് സാധ്യത
തുടർച്ചയായി സൂര്യപ്രകാശം ഏൽക്കുന്നത്
- സൂര്യാതപം (Heat stroke)
- ത്വക്ക് രോഗങ്ങൾ
- നേത്ര പ്രശ്നങ്ങൾ
എന്നിവയ്ക്ക് കാരണമാകാം.
കൂടുതൽ ജാഗ്രത വേണം ഇവർക്ക്
- പുറം ജോലികളിൽ ഏർപ്പെടുന്നവർ
- മത്സ്യത്തൊഴിലാളികൾ
- ജലഗതാഗത തൊഴിലാളികൾ
- ബൈക്ക് യാത്രക്കാർ
- വിനോദസഞ്ചാരികൾ
- രോഗപ്രതിരോധശേഷി കുറഞ്ഞവർ
പൊതുജനങ്ങൾക്ക് നിർദ്ദേശങ്ങൾ
- മതിയായ വെള്ളം കുടിക്കുക
- ലഘുഭക്ഷണം മാത്രം സ്വീകരിക്കുക
- തണലിൽ കഴിയാൻ ശ്രമിക്കുക
- ആവശ്യമെങ്കിൽ മാത്രം പുറത്തിറങ്ങുക
English Summary:
Kerala is experiencing rising temperatures, with 11 districts under yellow alert. Temperatures may reach 37°C in some areas, which is 2–3°C above normal. Authorities warn of high UV radiation between 10 am and 3 pm and advise people to take precautions to avoid heatstroke and related health issues.
