സ്കൂട്ടറും ബൈക്കും കൂട്ടിയിടിച്ചു: കണ്ണൂരിൽ കോളേജ് വിദ്യാർത്ഥിക്ക് ദാരുണാന്ത്യം
കണ്ണൂർ: സ്കൂട്ടറും ബൈക്കും കൂട്ടിയിടിച്ചുണ്ടായ അപകടത്തിൽ കോളേജ് വിദ്യാർത്ഥിക്ക് ദാരുണാന്ത്യം. ചേലേരി നൂഞ്ഞേരി സ്വദേശിയായ മുഹമ്മദ് സൂഫിയാൻ (19) ആണ് മരിച്ചത്.
കണ്ണൂർ കോളേജ് ഓഫ് കൊമേഴ്സ്യിലെ ഡിഗ്രി വിദ്യാർത്ഥിയാണ് സൂഫിയാൻ.
ഇന്ന് രാവിലെ ഒമ്പത് മണിയോടെ കണ്ണാടിപ്പറമ്പ് ഗവ. സ്കൂളിന് സമീപത്താണ് അപകടം നടന്നത്. എതിര്ദിശയില് വന്ന സ്കൂട്ടറുമായി സൂഫിയാൻ സഞ്ചരിച്ച ബൈക്ക് കൂട്ടിയിടിക്കുകയായിരുന്നു.
അപകടത്തിൽ റോഡരികിലെ ഇരുമ്പ് കൈവരിയിൽ തലയിടിച്ചതാണ് മരണത്തിന് കാരണമായതെന്ന് പൊലീസ് വ്യക്തമാക്കി.
മയ്യില് പൊലീസ് ഇൻക്വസ്റ്റ് നടപടികൾ പൂർത്തിയാക്കി മൃതദേഹം പോസ്റ്റുമോർട്ടത്തിനായി കണ്ണൂർ മെഡിക്കൽ കോളജ് ആശുപത്രി മോർച്ചറിയിലേക്ക് മാറ്റി.
മുഹമ്മദ് കുഞ്ഞി മൗലവിയുടേയും ജുവൈരിയയുടേയും മകനാണ് സൂഫിയാൻ. സഹോദരൻ മുഹമ്മദ് സിനാൻ.
English Summary
A 19-year-old college student died in a road accident in Kannur after his bike collided with a scooter. The victim, a degree student at Kannur College of Commerce, suffered fatal head injuries after hitting a roadside barrier. Police have initiated further proceedings.
kannur-bike-scooter-accident-college-student-death
Kannur Accident, Road Accident Kerala, College Student Death, Kerala News, Bike Accident, Traffic Accident, Mayyil Police, Breaking News, India News, Local News
