തൃശൂര്: തൃശൂരിലെ ഡിസിസി അധ്യക്ഷനായി ജോസഫ് ടാജറ്റിനെ തെരഞ്ഞെടുത്തു. കോണ്ഗ്രസ് അധ്യക്ഷന് മല്ലികാര്ജുര് ഖാര്ഗേയുടേതാണ് തീരുമാനം. ഇതോടെ എട്ട് മാസമായി സ്ഥിരം അധ്യക്ഷന് ഇല്ലാതിരുന്ന തൃശൂർ ഡിസിസിയിലെ അനിശ്ചിതത്വം നീങ്ങി.Joseph Tajet appointed as Thrissur DCC President
ഇതു സംബന്ധിച്ച ഉത്തരവ് സംഘടന ചുമതലയുള്ള ജനറൽ സെക്രട്ടറി കെ.സി. വേണുഗോപാൽ പുറത്തിറക്കി. അധ്യക്ഷ സ്ഥാനത്തേക്ക് ജോസഫ് ടാജറ്റിന്റെയും മുൻ എംഎൽഎ അനിൽ അക്കരയുടെയും പേരുകളാണ് പരിഗണിച്ചിരുന്നത്.
ജോസഫ് ടാജറ്റ് നിലവില് തൃശൂര് ജില്ലാ പഞ്ചായത്ത് പ്രതിപക്ഷ നേതാവാണ്. ഡിസിസിയിലെ സംഘര്ഷത്തിന് പിന്നാലെയാണ് ജോസ് വള്ളൂര് അധ്യക്ഷ സ്ഥാനം ഒഴിഞ്ഞിരുന്നത്. അതിന് ശേഷം വി കെ ശ്രീകണ്ഠന് എംപിക്കായിരുന്നു താല്ക്കാലിക ചുമതല.
