ജെയ്ഷെ മുഹമ്മദിന് മാപ്പില്ല; മസൂദ് അസറിന് ഇനി ഉറക്കമില്ലാത്ത രാത്രികൾ
ഓരോ തവണ ഇന്ത്യയിൽ തീവ്രവാദ അക്രമണങ്ങൾ നടക്കുമ്പോളും ഒരു പേര് ഉയർന്ന് കേൾക്കാറുണ്ട്, മസൂദ് അസർ. 2001-ലെ പാർലമെൻ്റ് ആക്രമണം, പത്താൻകോട്ട് എയർഫോഴ്സ് സ്റ്റേഷൻ ആക്രമണം ഇപ്പോൾ ഡൽഹി.
ഇന്ത്യയുടെ സമാധാനത്തിന് വിഘ്നം സൃഷ്ടിക്കുന്ന പേര് മസൂദ് അസർ. ഒന്നല്ല, പലതവണ ഇന്ത്യ ക്ഷമിച്ചു. എന്നാൽ, മസൂദ് അസർ എന്ന ഈ ഭീകരൻ്റെ ലക്ഷ്യം ഒന്നുമാത്രം. ഇന്ത്യയെ ചോരയിൽ മുക്കുക.
പുൽവാമയിൽ 40 ജവാന്മാരുടെ ജീവനെടുത്ത ആക്രമണം അതും മസൂദ് അസർ എന്ന ഭീകരന്റെ തലയിലുദിച്ച കുടിലബുദ്ധി തന്നെ.. ഇന്ത്യയുടെ സമാധാനത്തിന് എതിരായി പ്രവർത്തിച്ച മസൂദ് അസർ, ഒരേ ലക്ഷ്യവുമായി മുന്നേറുകയാണ് — ഇന്ത്യയെ അസ്ഥിരമാക്കുക.
പുൽവാമയിൽ 40 ജവാന്മാരുടെ ജീവൻ കവർന്ന ആക്രമണത്തിന്റെ ആസൂത്രകൻ മസൂദ് അസർ തന്നെയായിരുന്നു. എന്നാൽ ഇന്ത്യയുടെ മറുപടി ദൃഢമായിരുന്നു.
2025 മെയ് 7-ന് നടന്ന ഓപ്പറേഷൻ സിന്ദൂർ ഭീകരവാദത്തിന്റെ മർമ്മത്തിലേക്കുള്ള കൃത്യമായ പ്രഹരമായി മാറി.
ജെയ്ഷെ മുഹമ്മദിന്റെ പ്രധാന താവളങ്ങൾ ഇന്ത്യൻ സൈന്യം തകർത്തതോടെ പാകിസ്താനിലെ ഭീകരപ്രവർത്തനങ്ങൾക്ക് വലിയ തിരിച്ചടിയുണ്ടായി.
ഇന്ത്യൻ ആക്രമണത്തിൽ കുടുംബാംഗങ്ങളെ നഷ്ടപ്പെട്ട മസൂദ് അസർ, വർഷങ്ങൾക്കിപ്പുറം പൊതുവേദിയിൽ പ്രത്യക്ഷപ്പെട്ട് ഇന്ത്യക്കെതിരെ ആക്രോശം പൊഴിച്ചു.
അതിനുശേഷം നടന്ന ഡൽഹി കാർ ബോംബ് സ്ഫോടനത്തിൽ ജെയ്ഷെയുടെ പങ്ക് അന്വേഷിക്കപ്പെടുകയാണ്.
അക്രമണവുമായി ബന്ധപ്പെട്ട് നിരവധി പ്രതികൾ, ഉൾപ്പെടെ ഡോക്ടർമാർ, പിടിയിലായിട്ടുണ്ട്. വനിതകളെ ഉൾപ്പെടുത്തി പുതിയ തീവ്രവാദ വിഭാഗം രൂപീകരിക്കാൻ ശ്രമിച്ചെന്ന വിവരവും പുറത്തുവന്നിട്ടുണ്ട്.
“ദൗറ-എ-തസ്കിയ” എന്ന പേരിൽ സ്ത്രീകളെ പരിശീലിപ്പിച്ചിരുന്നതായും അന്വേഷണ ഏജൻസികൾ കണ്ടെത്തി.
ഭീകരതയുടെ മുഖം മാറിയാലും ഇന്ത്യയുടെ പ്രതിരോധനീക്കങ്ങൾ അതിനനുസരിച്ച് ശക്തമാകുകയാണ്.
രാജ്യത്തിന്റെ സമാധാനം തകർക്കാൻ ശ്രമിക്കുന്നവർക്കെതിരെ ഇന്ത്യ വീണ്ടും ഉറച്ച നിലപാട് എടുത്തിരിക്കുന്നു.
ഭീകരവാദത്തിൻ്റെ മുഖം മാറുമ്പോൾ, ഇന്ത്യയുടെ പ്രതിരോധവും മാറും. ഇന്ത്യയുടെ മണ്ണ് ഭീകരവാദികൾക്ക് ഒളിച്ചിരിക്കാനുള്ള ഇടമല്ല.
നമ്മുടെ സമാധാനം തകർക്കാൻ ശ്രമിക്കുന്നവർക്ക് വിട്ടുവീഴ്ചയില്ലാത്ത മറുപടി നൽകുമെന്ന കാര്യം ഇന്ത്യ പലയാവർത്തി പ്രവർത്തിയിലൂടെ തെളിയിച്ചതാണ്.
തീവ്രവാദത്തിനെതിരെ ഇന്ത്യൻ ജനത ഒന്നിച്ചു നിൽക്കും. വെറുപ്പിന്റെ ആശയങ്ങൾക്കെതിരെ നമ്മൾ ഒരുമിച്ച് പോരാടും. മസൂദ് അസർ നേതൃത്വം നൽകുന്ന ജെയ്ഷെ മുഹമ്മദിലെ അംഗങ്ങൾക്ക് ഇനി ഉറക്കമില്ലാത്ത രാത്രികളാകും.
English Summary:
Masood Azhar, the mastermind behind several terror attacks including the 2001 Parliament attack, Pathankot, and Pulwama, has once again come under the spotlight following the recent Delhi blast near the Red Fort. India’s strong counter-strike, Operation Sindoor (May 7, 2025), targeted Jaish-e-Mohammed’s core camps in Pakistan, reportedly causing heavy losses. Following the attack, Azhar appeared publicly after years, vowing revenge. Investigations revealed the involvement of a new women’s terror wing, Daura-e-Tazkiya, with several doctors arrested. India has reaffirmed its zero-tolerance policy towards terrorism, adapting its defense strategy to the changing face of terror.
