ഇടുക്കി കട്ടപ്പനയിൽ സ്വകാര്യ ടയർ ഷോപ്പിൽ നിന്നും ജീവനക്കാരി 11 ലക്ഷം രൂപ തട്ടിയെടുത്തു. ബാസിൽ ടെയേഴ്സിൽ നിന്നും 11 ലക്ഷത്തിലധികം രൂപ സാമ്പത്തിക തിരിമറി നടത്തിയ യൂവതി പിടിയിൽ. സ്ഥാപനത്തിലേ ബില്ലിങ് ആൻഡ് അക്കൗണ്ടിങ് വിഭാഗത്തിലെ ജോലിക്കാരിയാണ് പിടിയിലായത്.
കട്ടപ്പന നഗരത്തിലെ ബാസിൽ ടെയെഴ്സിൽ നിന്നുമാണ് ജീവനക്കാരി പണം തട്ടിയത്. ഈ വർഷത്തെ ഓഡിറ്റിലാണ് തട്ടിപ്പ് പുറത്തായത്. സ്ഥാപനത്തിലെ സാധനസാമഗ്രികൾ വിൽക്കുന്ന പണം സ്വന്തം അക്കൗണ്ടിലേക്ക് വാങ്ങി തട്ടിപ്പ് നടത്തുകയായിരുന്നു.
ഈ വർഷത്തെ ഓഡിറ്റിലാണ് ബില്ലിങ്ങൽ അക്കൗണ്ടിംഗ് ജീവനക്കാരി കട്ടപ്പന അമ്പലക്കവലയിൽ വാടകയ്ക്ക് താമസിക്കുന്ന ശാലിനി മോഹൻ നായർ (35) നടത്തിയ പണമിടപാട് പുറത്തുവന്നത്. സംഭവത്തിൽ സ്ഥാപനത്തിലെ ജനറൽ മാനേജർ നൽകി.
പരാതിയുടെ അടിസ്ഥാനത്തിലാണ് ഇവരെ കട്ടപ്പന പോലീസ് അറസ്റ്റ് ചെയ്തത്. 1123056 രൂപയാണ് പലപ്പോഴായി സ്ഥാപനത്തിൽ നിന്നും നഷ്ടമായത്. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.
