കൊച്ചി: നടൻ ഗണപതിയ്ക്ക് എതിരെ കേസെടുത്ത് പോലീസ്. മദ്യപിച്ച് വാഹനം ഓടിച്ചതിനാണ് നടപടി. അപകടകരമായ രീതിയിൽ വാഹനമോടിച്ചെന്ന വിവരത്തെ തുടർന്ന് പൊലീസ് വാഹനം തടയുകയായിരുന്നു.(Drunken driving; Police registered case against actor Ganapathi)
മദ്യപിച്ച് അപകടകരമായ രീതിയിൽ വാഹനമോടിച്ചതിനാണ് കേസ് എന്ന് പൊലീസ് അറിയിച്ചു. കളമശ്ശേരി പൊലീസാണ് നടനെ വണ്ടി തടഞ്ഞ് പിടികൂടിയത്.
ചാലക്കുടിയിൽ നിന്ന് അപകടകരമായ രീതിയിൽ വണ്ടിയോടിച്ച് എത്തുന്നു എന്നാണ് പൊലീസിന് വിവരം ലഭിച്ചത്. കസ്റ്റഡിയിലെടുത്ത ഗണപതിയെ അറസ്റ്റ് രേഖപ്പെടുത്തി പിന്നീട് ജാമ്യത്തിൽ വിട്ടു.
