ഭരണപക്ഷത്തിന് അനുകൂലമായ വാര്ത്തകളും പരിപാടികളും സംപ്രേഷണം ചെയ്യുന്നുവെന്ന പ്രതിപക്ഷത്തിന്റെ ആരോപണം നിലനില്ക്കെ ദൂരദര്ശന്റെ ലോഗോ ഇനി കാവി നിറം. ഇംഗ്ലീഷ്, ഹിന്ദി വാര്ത്താ ചാനലുകളുടെ ലോഗോയില് ആണ് നിറംമാറ്റം. പുതിയ നിറത്തിലുള്ള ലോഗോ ഇന്നലെ മുതലാണ് കാണാൻ തുടങ്ങിയത്. ഇത് ഇപ്പോൾത്തന്നെ ഏറെ വിമർശനങ്ങൾക്ക് വഴിവച്ചുകഴിഞ്ഞു.
നേരത്തെ വിവാദ സിനിമ ‘ദ കേരള സ്റ്റോറി’ സംപ്രേഷണം ചെയ്യുന്നതുമായി ബന്ധപ്പെട്ടും ദൂരദര്ശനെതിരെ കടുത്ത വിമര്ശനങ്ങളുയര്ന്നിരുന്നു. കൂടതെ നരേന്ദ്ര മോദിയും മൈക്രോസോഫ്റ്റ് സ്ഥാപകൻ ബില് ഗേറ്റ്സും തമ്മിലുള്ള അഭിമുഖം സംപ്രേഷണം ചെയ്യുന്നതുമായി ബന്ധപ്പെട്ടും ദൂരദര്ശൻ വിവാദത്തിലായിരുന്നു. തെരഞ്ഞെടുപ്പ് പെരുമാറ്റച്ചട്ട ലംഘനമാകുമെന്ന് ചൂണ്ടിക്കാട്ടി അഭിമുഖം സംപ്രേഷണം ചെയ്യാൻ പ്രസാര്ഭാരതിക്ക് അനുമതി നിഷേധിക്കപ്പെട്ടിരുന്നു. ഇതിനു ഒഇന്നലെയാണ് ഇപ്പോൾ ലോഗോയിലെ നിറം മാറ്റം.
