കൗൺസിലർമാർ രാജിവെച്ചാൽ ഭരണം നഷ്ടപ്പെട്ടേക്കും
പാലക്കാട്: പാലക്കാട്ടെ ബിജെപിയില് തർക്കം രൂക്ഷം. പാലക്കാട് മുൻസിപ്പൽ കൗൺസിലർമാർ ഉൾപ്പെടെ രാജി സന്നദ്ധത അറിയിച്ചു. യുവമോര്ച്ച ജില്ലാ പ്രസിഡന്റ് പ്രശാന്ത് ശിവനെ ജില്ലാ പ്രസിഡന്റാക്കുന്നതിനെതിരെയാണ് പ്രതിഷേധം.(Dispute in palakkad bjp; 9 councilors will resign)
വിമത യോഗത്തില് പങ്കെടുത്ത കൗണ്സിലര്മാര് രാജിയുമായി മുന്നോട്ട് പോകുമെന്ന നിലപാടിലാണ്. 9 കൗണ്സിലര്മാരും നാളെ ബിജെ പി സംസ്ഥാന നേതൃത്വത്തിന് രാജിക്കത്ത് നല്കുമെന്നാണ് പുറത്തു വരുന്ന വിവരം. പ്രസിഡൻറ് തെരഞ്ഞെടുപ്പിൽ കൂടുതൽ വോട്ട് നേടിയവരെ മാറ്റിനിർത്തി ഏകപക്ഷീയമായി അധ്യക്ഷനെ തെരഞ്ഞെടുത്തുവെന്നാണ് ഒരു വിഭാഗം നേതാക്കളുടെ ആക്ഷേപം ഉയർത്തിയത്.
കൗൺസിലർമാർ രാജിവെച്ചാൽ ഭരണം നഷ്ടപ്പെട്ടേക്കും. അതേസമയം സംസ്ഥാനത്തെ 30 സംഘടനാ ജില്ലകളില് 27 ഇടങ്ങളിലെ ജില്ലാ പ്രസിഡന്റുമാരെ ബിജെപി തീരുമാനിച്ചു. ഈ മാസം 27 ജില്ലാ പ്രസിഡന്റുമാരുടെ ഔദ്യോഗിക പ്രഖ്യാപനം നാളെ ഉണ്ടാകുമെന്നാണ് വിവരം.
