മധുരയിൽ നടക്കുന്ന പാർട്ടി കോൺഗ്രസിൽ വിദേശ പ്രതിനിധിയായി ഉൾപ്പെടുത്തിയ രാജേഷ് കൃഷ്ണയെ ഒഴിവാക്കി സിപിഎം. ആദ്യമായാണ് പ്രവാസിയായ ഒരാളെ വിദേശ പ്രതിനിധിയായി പാർട്ടി കോൺഗ്രസിൽ ഉൾപ്പെടുത്തുന്നത്.
എന്നാൽ രാജേഷ് കൃഷ്ണയുടെ ചില ബിസിനസ് ബന്ധങ്ങളും പരാതികളും ചൂണ്ടികാട്ടിയാണ് അവസാന നിമിഷം പ്രതിനിധി സ്ഥാനത്തു നിന്നും ഒഴിവാക്കിയത്. പാർട്ടി കോൺഗ്രസിൽ പങ്കെടുക്കാൻ മധുരയിൽ എത്തിയ രാജേഷ് കൃഷ്ണയോട് സമ്മേളന വേദി വിടാൻ സിപിഎം നിർദ്ദേശം നൽകിയിട്ടുണ്ട്.
കേന്ദ്ര കമ്മറ്റിയംഗമായ ഇപി ജയരാജൻ അടക്കം ശക്തമായ എതിർപ്പ് ഉന്നയിച്ച് രംഗത്തെത്തിയതോടെയാണ് രാജേഷ് കൃഷ്ണയെ ഒഴിവാക്കിയത്.
തെറ്റായ സന്ദേശം നൽകുന്ന നീക്കമാണെന്നും ആരോപണ വിധേയനായ വ്യക്തിയാണെന്നും ചൂണ്ടികാട്ടിയാണ് ഇപി പക്ഷം കടുത്ത എതിർപ്പ് ഉയർത്തിയത്. വിവാദങ്ങൾ വേണ്ട എന്ന ധാരണയിലാണ് രാജേഷ് കൃഷ്ണയെ ഒഴിവാക്കാൻ പിന്നീട് തീരുമാനിച്ചത്.
2023 മെയ് മാസത്തിൽ മറുനാടൻ മലയാളി എന്ന ഓൺലൈൻ ന്യൂസ് ചാനലിന്റെ എഡിറ്ററായ ഷാജൻ സ്കറിയയെ ലണ്ടൻ എയർപോർട്ടിൽ വച്ച് കൈയ്യേറ്റം ചെയ്തതോടെയാണ് രാജേഷ് കൃഷ്ണ സിപിഎം സൈബർ ഇടത്തിൽ താരമായത്.
സിപിഎം നേതാക്കളുമായി ഇപ്പോഴും അടുത്ത ബന്ധമാണ് രാജേഷ് കൃഷ്ണക്കുള്ളത്. സംസ്ഥാന സെക്രട്ടറി എംവി ഗോവിന്ദന്റെ മകന്റെ ബിനാമി എന്ന പ്രചരണവും രാജേഷ് കൃഷ്ണക്കെതിരെ പലപ്പോഴും ഉയർന്നു കേൾക്കാറുണ്ട്.
- Camera: Rear Camera: 50 MP Zeiss main camera: OIS; f/1.88; FOV 84°; 6P lens 50 MP Zeiss Wide-Angle lens: AF; f/2.0; FOV …
- Screen & display: 17.19 cm (6.77″ inch) Quad Curved AMOLED capacitive multi-touch Display | P3 wide colour gamut support…
- Memory & SIM: 8GB RAM | 256GB Internal Memory | LPDDR4X | UFS 2.2 | Bluetooth 5.4
മമ്മൂട്ടി നായകനായ പുഴു എന്ന ചിത്രത്തിന്റെ സഹനിർമ്മാതാവുകൂടിയാണ് രജേഷ് കൃഷ്ണ. ചിത്രത്തിന്റെ സംവിധായികയായ പിടി രതീനയുടെ ഭർത്താവ് ഷർഷാദ് ഇയാൾക്കെതിരെ ആരോപണം ഉന്നയിക്കുകയും സിപിഎമ്മിന് പരാതി നൽകുകയും ചെയ്തിരുന്നു.
ഇത് പൊടിതട്ടിയെടുത്താണ് ഇപി കേന്ദ്രകമ്മറ്റിയിൽ പരാതി നൽകിയത്. സിപിഎമ്മിൽ തനിക്കിട്ട് പണിത എംവി ഗോവിന്ദനുള്ള മറുപടി കൂടിയാണ് ഇപി കിട്ടിയ അവസരത്തിൽ നൽകിയത്.
എഐസിയുടെ ദേശിയ സെക്രട്ടറി ബ്രിട്ടണിൽ നിന്നുള്ള ഹർസേവ് ബെയിൻസിനൊപ്പമാണ് പത്തനംതിട്ട സ്വദേശി രാജേഷ് കൃഷ്ണ യുകെ പ്രതിനിധിയായി സമ്മേളനത്തിൽ പങ്കെടുക്കാനെത്തിയത്.
1967 ൽ രൂപീകൃതമായ എഐസി, ബ്രിട്ടണിലും അയർലൻഡിലും സിപിഐഎമ്മിന്റെ വിദേശ വിഭാഗമാണ്.
മുൻപ് സ്കൂൾ വിദ്യാഭ്യാസ കാലം മുതൽ സജീവ എസ്എഫ്ഐ പ്രവർത്തകനായിരുന്ന രാജേഷ് കൃഷ്ണ, 23 വർഷം മുമ്പാണ് തൊഴിൽ സംബന്ധമായി യുകെ യിലേക്ക് പോകുന്നത്.
അവിടെ മാധ്യമപ്രവർത്തകനായി പ്രവർത്തിക്കുന്നതിനിടയിലും സംഘടനാ പ്രവർത്തനം ഉപേക്ഷിക്കാൻ തയ്യാറായിരുന്നില്ല.
ഇതാണ് യുകെയിൽ നിന്നുള്ള ആദ്യ മലയാളി പ്രതിനിധിയായി അദ്ദേഹത്തെ തിരഞ്ഞെടുക്കുന്നതിനുള്ള കാരണം. പാർട്ടി കോൺഗ്രസിന് മുന്നോടിയായി ലണ്ടനിലെ ഹീത്രൂവിൽ ബ്രിട്ടൺ, അയർലണ്ട് സമ്മേളനവും നടന്നിരുന്നു.
