കോൺഗ്രസ് ആപ്പിലെ കണക്കുകളിൽ കോടികളുടെ പൊരുത്തക്കേട്; കണക്കുകൾ പുറത്തുവിട്ട് ഐടി വിദഗ്ധൻ

കൊച്ചി: വയനാട് മുണ്ടക്കൈ, ചൂരൽമല ഉരുൾപൊട്ടൽ ദുരന്തബാധിതരെ സഹായിക്കാനെന്ന പേരിൽ കോൺഗ്രസ് നടത്തിയ പണപ്പിരിവിൽ വൻ അഴിമതി ആരോപണം.

ദുരന്തബാധിതർക്ക് വീട് നിർമ്മിച്ചു നൽകാനായി ‘സ്റ്റാൻഡ് വിത്ത് വയനാട്’ (Stand With Wayanad) എന്ന മൊബൈൽ ആപ്പിലൂടെ സമാഹരിച്ച തുകയുടെ കണക്കുകളിലാണ് വലിയ അപാകതകൾ കണ്ടെത്തിയിരിക്കുന്നത്.

പറഞ്ഞത് കോടികൾ, ആപ്പിലുള്ളത് ചില്ലറ പൈസ; കെപിസിസി പ്രസിഡന്റിന്റെ കണക്കുകൾ പച്ചക്കള്ളമെന്ന് തെളിവുകൾ!

കെപിസിസി നേതൃത്വം ഔദ്യോഗികമായി പുറത്തുവിട്ട കണക്കുകളും അവർ തന്നെ പുറത്തിറക്കിയ ആപ്പിലെ വിവരങ്ങളും തമ്മിൽ യാതൊരു ബന്ധവുമില്ലെന്നാണ് പുറത്തുവരുന്ന വിവരങ്ങൾ.

കെപിസിസി പ്രസിഡന്റ് നേരത്തെ മാധ്യമങ്ങളോട് പറഞ്ഞത് പാർട്ടി അക്കൗണ്ടിൽ 5.38 കോടി രൂപ എത്തിയെന്നാണ്.

ഇതിനു പുറമെ യൂത്ത് കോൺഗ്രസ് മാത്രം 1.05 കോടി രൂപ നൽകിയെന്നും അവകാശപ്പെട്ടിരുന്നു.

എന്നാൽ, ഐടി വിദഗ്ധനായ രജിത്ത് രാമചന്ദ്രൻ ആപ്പിലെ ഡാറ്റ പരിശോധിച്ചപ്പോൾ കണ്ടെത്തിയത് ആകെ ലഭിച്ച തുക വെറും 3.78 കോടി രൂപ മാത്രമാണെന്നാണ്.

ബാക്കി കോടികൾ എങ്ങോട്ട് പോയി എന്നതിന് മറുപടിയില്ലാതെ കുഴങ്ങുകയാണ് നേതൃത്വം.

പ്രവാസി മലയാളികളും കമ്പനികളും നൽകിയ വൻതുകകൾ മുക്കി; സെപ്റ്റംബർ മാസത്തെ കണക്കുകൾ ആപ്പിൽ നിന്നും ‘മായം’!

വൻകിട കമ്പനികൾ, പ്രവാസി സംഘടനകൾ, സർവീസ് സംഘടനകൾ എന്നിവർ ദുരന്തബാധിതർക്കായി നൽകിയ ഭീമമായ തുകകൾ ആപ്പിലെ കണക്കിൽ എവിടെയും കാണാനില്ല.

അതിലുപരി, 2024 സെപ്റ്റംബർ മാസത്തിൽ ലഭിച്ച ഒരു രൂപ പോലും ആപ്പിൽ രേഖപ്പെടുത്തിയിട്ടില്ല എന്നതും ദുരൂഹത വർദ്ധിപ്പിക്കുന്നു.

സുതാര്യത ഉറപ്പാക്കാനായി പുറത്തിറക്കിയ ആപ്പിൽ തന്നെ ഇത്തരം ‘കത്രിക വെപ്പുകൾ’ നടന്നത് അണികൾക്കിടയിലും വലിയ പ്രതിഷേധത്തിന് കാരണമായിട്ടുണ്ട്.

കോട്ടയത്തും എറണാകുളത്തും കോൺഗ്രസ് തകർന്നടിഞ്ഞോ? ശക്തികേന്ദ്രങ്ങളിൽ നിന്നുള്ള തുച്ഛമായ കണക്ക് കണ്ട് ഞെട്ടി രാഷ്ട്രീയ കേരളം!

കോൺഗ്രസിന് ഏറ്റവും കൂടുതൽ സ്വാധീനമുള്ള കോട്ടയം, എറണാകുളം ജില്ലകളിൽ നിന്നുള്ള കണക്കുകളാണ് ഏറ്റവും വിചിത്രം.

കോട്ടയം ജില്ലയിൽ നിന്ന് വെറും നാല് ലക്ഷം രൂപയും എറണാകുളത്ത് നിന്ന് അഞ്ച് ലക്ഷം രൂപയും മാത്രമാണ് ലഭിച്ചതെന്നാണ് ആപ്പിലെ വിവരം.

തൊഴിലുറപ്പ് ജോലിക്കിടെ പെരുമ്പാമ്പിനെ കണ്ടതോടെ പരിഭ്രാന്തി; ഭയന്ന് ഓടിയ വയോധികയ്ക്ക് പരിക്ക്

പതിനായിരക്കണക്കിന് പ്രവർത്തകരും അനുഭാവികളുമുള്ള ഈ ജില്ലകളിൽ നിന്ന് ഇത്രയും ചെറിയ തുക മാത്രമേ ലഭിച്ചിട്ടുള്ളൂ എന്നത് വിശ്വസിക്കാൻ പ്രയാസമാണെന്ന് സൈബർ വിദഗ്ധർ ചൂണ്ടിക്കാട്ടുന്നു.

100 വീടുകൾ എന്നത് വെറും ‘പബ്ലിസിറ്റി സ്റ്റണ്ട്’ മാത്രം? സർക്കാരിനെ വെല്ലുവിളിച്ചു തുടങ്ങിയ പിരിവ് ഒടുവിൽ പാളുന്നു!

സംസ്ഥാന സർക്കാരിന്റെ സഹായമില്ലാതെ സ്വന്തം നിലയിൽ 100 വീടുകൾ വെച്ചുനൽകുമെന്ന് പ്രഖ്യാപിച്ചാണ് കോൺഗ്രസ് ഈ പണപ്പിരിവ് ആരംഭിച്ചത്.

എന്നാൽ പിരിച്ചെടുത്ത തുകയുടെ കൃത്യമായ കണക്ക് പോലും സൂക്ഷിക്കാൻ കഴിയാത്തവർ എങ്ങനെ വീട് പണിയും എന്ന ചോദ്യമാണ് ഇപ്പോൾ ഉയരുന്നത്.

പുറത്തുവിട്ട കണക്കും ആപ്പിലെ കണക്കും തമ്മിൽ പൊരുത്തക്കേടുകൾ ഉണ്ടെങ്കിലും രണ്ടും ഒന്നാണെന്ന വിചിത്രമായ വാദമാണ് പാർട്ടി കേന്ദ്രങ്ങൾ ഉയർത്തുന്നത്.

English Summary

A major controversy has erupted over the transparency of the “Stand With Wayanad” fund collection drive initiated by the Congress party. While the party leadership claimed to have collected over ₹5.38 crores officially, the dedicated app shows only ₹3.78 crores. IT expert Rajith Ramachandran’s exposure of these figures suggests that donations from large corporations, NRIs, and key districts like Ernakulam and Kottayam have been omitted or underreported.