20 ദിവസം മാത്രം പ്രായം, നവജാത ശിശുവിനെ കുരങ്ങൻ തട്ടിയെടുത്ത് കിണറ്റിലേക്കെറിഞ്ഞു; ‘ഡയപ്പർ’ രക്ഷിച്ചു!
റായ്പുർ: ഛത്തീസ്ഗഢിൽ 20 ദിവസം മാത്രം പ്രായമുള്ള നവജാത ശിശുവിനെ കുരങ്ങൻ തട്ടിയെടുത്തു കിണറ്റിലേക്കെറിഞ്ഞ സംഭവമുണ്ടായി. ജൻജ്ഗിർ–ചാമ്പ ജില്ലയിലുള്ള സേവനി ഗ്രാമത്തിലാണ് സംഭവം നടന്നത്.
നാട്ടുകാരുടെ സമയബന്ധിത ഇടപെടലിനെ തുടർന്ന് കുഞ്ഞിനെ രക്ഷപ്പെടുത്താൻ കഴിഞ്ഞു.
വീടിന് പുറത്തു നിന്ന അമ്മയുടെ കൈയിൽ നിന്നാണ് കുരങ്ങൻ കുഞ്ഞിനെ തട്ടിയെടുത്തത്. തുടർന്ന് കുഞ്ഞിനെയും കൊണ്ട് കുരങ്ങൻ വീടിന്റെ ടെറസിലേക്കു കയറി.
ഇത് ശ്രദ്ധയിൽപ്പെട്ട നാട്ടുകാർ പടക്കം പൊട്ടിക്കുകയും വലിയ ശബ്ദമുണ്ടാക്കുകയും ചെയ്ത് കുഞ്ഞിനെ രക്ഷിക്കാനുള്ള ശ്രമം ആരംഭിച്ചു.
ശബ്ദം കേട്ട് പേടിച്ച കുരങ്ങൻ കുഞ്ഞിനെ വീടിനോടു ചേർന്ന കിണറ്റിലേക്കാണ് എറിഞ്ഞത്. ഉടൻ തന്നെ നാട്ടുകാർ ബക്കറ്റിന്റെ സഹായത്തോടെ മിനിറ്റുകൾക്കുള്ളിൽ കുഞ്ഞിനെ പുറത്തെടുക്കുകയായിരുന്നു.
പ്രാഥമിക ചികിത്സ നൽകിയ ശേഷം കുഞ്ഞിനെ ജില്ലാ ആശുപത്രിയിലേക്ക് മാറ്റി. കുഞ്ഞ് ധരിച്ചിരുന്ന ഡയപ്പർ കാരണമാണ് പെട്ടെന്ന് മുങ്ങിപ്പോകാതിരുന്നതെന്നാണ് പ്രാഥമിക നിഗമനം. കുഞ്ഞിന്റെ ആരോഗ്യനില തൃപ്തികരമാണെന്ന് ഡോക്ടർമാർ അറിയിച്ചു.
English Summary
In a shocking incident in Chhattisgarh, a monkey snatched a 20-day-old newborn from its mother and threw the baby into a well. The incident occurred in Sevani village of Janjgir-Champa district. Alert locals intervened immediately and managed to rescue the baby within minutes using a bucket. The infant was first given primary treatment and later shifted to a district hospital. Doctors believe the diaper worn by the baby helped prevent immediate drowning. The baby is reported to be stable.
chhattisgarh-monkey-snatches-newborn-throws-into-well
Chhattisgarh, Raipur, Janjgir Champa, Sevani village, monkey attack, newborn baby, rescue, well, India news
