അമരാവതി: ഓടിക്കൊണ്ടിരുന്ന ട്രെയിനിന്റെ ബോഗികൾ വേർപ്പെട്ടു. ആന്ധ്രയിലാണ് അപകടമുണ്ടായത്. ഫലക്നുമ സൂപ്പർഫാസ്റ്റ് എക്സ്പ്രസിന്റെ ബോഗികളാണ് വേർപ്പെട്ടത്.
തെലങ്കാനയിലെ സെക്കന്തരാബാദിൽ നിന്ന് ഹൗറയിലേക്ക് പുറപ്പെട്ട ട്രെയിനിന്റെ ബോഗികളാണ് വേർപെട്ടത്. ആന്ധ്രയിലെ ശ്രീകാകുളത്തെ പലാസയ്ക്കും മന്ദസയ്ക്കും ഇടയിൽ വെച്ചാണ് സംഭവം.
അപകടത്തെ തുടർന്ന് റെയിൽവേ ഉദ്യോഗസ്ഥർ സ്ഥലത്തെത്തിയിട്ടുണ്ട്. ഈ വഴി വരുന്ന നിരവധി ട്രെയിനുകൾ വഴി തിരിച്ചു വിട്ടു.
ഉത്തർപ്രദേശിലെ നോയിഡയിലെ കടയിൽ വൻ അഗ്നിബാധ: തീ അണക്കാനുള്ള ശ്രമം തുടരുന്നു
ഉത്തർപ്രദേശിലെ നോയിഡയിലെ കടയിൽ വൻ അഗ്നിബാധ. സെക്ടർ 5 ലെ ഹരോള പ്രദേശത്തെ ഒരു കടയിൽ ചൊവ്വാഴ്ച രാവിലെയാണ് തീപിടുത്തമുണ്ടായത്.
തീ അണയ്ക്കാൻ നിരവധി ഫയർ എഞ്ചിനുകൾ സ്ഥലത്തെത്തിയിട്ടുണ്ട്. സംഭവത്തിൽ ഇതുവരെ ആളപായമൊന്നും റിപ്പോർട്ട് ചെയ്തിട്ടില്ല. തീപിടുത്തത്തിന്റെ കാരണങ്ങൾ ഇതുവരെ കണ്ടെത്തിയിട്ടില്ല.
