മലയാളികളുടെ പ്രിയപ്പെട്ട ഭക്ഷണങ്ങളിൽ ഒന്നാണ് ബീഫ് എന്നതിൽ തർക്കമില്ല . എന്നാൽ എത്രയൊക്കെ വീട്ടിലെ രുചിയെക്കുറിച്ച് പറഞ്ഞാലും തട്ടുകടയിലെ ഭക്ഷണങ്ങള്‍ക്ക് പ്രത്യേകരുചിയാണ്. തട്ടുകടയിലെ ബീഫിന് ചിക്കനും ആരാധകരും അത്രതന്നെയുണ്ട്. എന്നാല്‍ ഇനി തട്ടുകടയിലെ രുചിയില്‍ ഇനി വീട്ടിലും ബീഫ് ഫ്രൈ തയ്യാറാക്കാം. ഇനി ഈ റെസിപ്പി പരീക്ഷിക്കാം.
ചേരുവകൾ
ബീഫ് മാട്ടിറച്ചി – 1 kg
മല്ലിപൊടി – 1 ടേബിള്‍സ്പൂണ്‍
മുളകുപ്പൊടി – 1 ടേബിള്‍സ്പൂണ്‍
ഇറച്ചി മസാല – 1 ടേബിള്‍സ്പൂണ്‍
കുരുമുളകുപൊടി – 1 ടീസ്പൂണ്‍
മഞ്ഞള്‍പൊടി – ½ ടീസ്പൂണ്‍
ഇഞ്ചി – 1 ഇഞ്ച്‌ കഷണം
വെളുത്തുള്ളി – 5 അല്ലി
ചെറിയ ഉള്ളി – 8 എണ്ണം
കറിവേപ്പില – 3 ഇതള്‍
തേങ്ങാക്കൊത്ത് – 1/4 കപ്പ്‌ ആവശ്യമെങ്കില്‍
കടുക് – ½ ടീസ്പൂണ്‍
നെയ്യ് – 3 ടേബിള്‍സ്പൂണ്‍
ഉപ്പ് – ആവശ്യത്തിന്
തയാറാക്കുന്ന വിധം
ഇറച്ചി ചെറിയ കഷ്ണങ്ങളായി നുറുക്കി, കഴുകി വാര്‍ത്തെടുക്കുക.ചെറിയ ഉള്ളി, ഇഞ്ചി, വെളുത്തുള്ളി, എന്നിവ ചെറുതായി അരിയുക.
മല്ലിപ്പൊടി, മുളകുപ്പൊടി, മഞ്ഞള്‍പ്പൊടി, ഉപ്പ് എന്നിവ ഇറച്ചിയില്‍ ചേര്‍ത്ത് പ്രഷര്‍ കുക്കറില്‍ വേവിക്കുക. ഒരു വിസില്‍ അടിച്ച് കഴിയുമ്പോള്‍ തീ കുറയ്ക്കുക. രണ്ടാമത്തെ വിസിലിനു ശേഷം തീ അണയ്ക്കുക. പ്രഷര്‍ തീരുമ്പോള്‍ അടപ്പ് തുറന്ന ശേഷം വീണ്ടും ചൂടാക്കി ഇറച്ചിയിലെ വെള്ളം മുഴുവനായും വറ്റിക്കുക.പാനില്‍ നെയ്യ് ചൂടാക്കി, കടുക് ഇട്ട് പൊട്ടുമ്പോള്‍ തീ കുറച്ച ശേഷം തേങ്ങാകൊത്ത് (ആവശ്യമെങ്കില്‍) ചേര്‍ത്ത് 2-3 മിനിറ്റ് ഇളക്കുക.ഇതിലേയ്ക്ക് വെളുത്തുള്ളി, ഇഞ്ചി, ചെറിയ ഉള്ളി, കറിവേപ്പില, ഉപ്പ് എന്നിവ ഓരോന്നായി ചേര്‍ത്ത് ഇളക്കുക. ഗോള്‍ഡന്‍ നിറമാകുമ്പോള്‍ ഒരു ടേബിള്‍സ്പൂണ്‍ മീറ്റ് മസാല ചേര്‍ത്ത് ഒരു മിനിറ്റ് ഇളക്കുക. ഇതിലേയ്ക്ക് വേവിച്ച ഇറച്ചി ചേര്‍ത്ത് ഇടവിട്ട്‌ ഇളക്കി നന്നായി വരട്ടിയെടുക്കുക. പിന്നീട് ഒരു ടീസ്പൂണ്‍ കുരുമുളകുപൊടി ചേര്‍ത്തിളക്കുക.വിളമ്പുന്ന പാത്രത്തിലേയ്ക്ക് മാറ്റി മല്ലിയിലയും സവാള അറിഞ്ഞതും കൊണ്ട് അലങ്കരിക്കാം.മാത്രമല്ല എരിവും മസാലകളും നിങ്ങളുടെ ആവശ്യാനുസരണം ക്രമീകരിക്കാവുന്നതാണ്.
Read Also : ചോറുണ്ണാൻ ഇത്തിരി കടുമാങ്ങ അച്ചാർ മതി
