സഞ്ജു സി ഗ്രൂപ്പിൽ, ഇഷാനെ ‘കാണാനില്ല’… തരംതാഴ്ത്തപ്പെട്ടവർ

സഞ്ജു സി ഗ്രൂപ്പിൽ, ഇഷാനെ ‘കാണാനില്ല’…തരംതാഴ്ത്തപ്പെട്ടവർ

സൂപ്പർതാരങ്ങളായ വിരാട് കോലിയെയും രോഹിത് ശർമയെയും തരംതാഴ്ത്തി ബിസിസിഐ. വൻ മാറ്റങ്ങളോടെയാണ് പുതിയ സെൻട്രൽ കോൺട്രാക്റ്റ് പട്ടിക തയ്യാറാക്കിയിരിക്കുന്നത്.

ദൈനിക് ജാഗരൺ റിപ്പോർട്ട് ചെയ്യുന്നതനുസരിച്ച്, ഈ വർഷം മുതൽ എലീറ്റ് വിഭാഗമായിരുന്ന എ പ്ലസ് കാറ്റഗറി പൂർണമായും ഒഴിവാക്കി. ഇതോടെ എ പ്ലസിലുണ്ടായിരുന്ന കോലിയും രോഹിതും പുതിയ പട്ടികയിൽ ഗ്രൂപ്പ് ബിയിലേക്ക് മാറ്റപ്പെട്ടു.

ടെസ്റ്റും ട്വന്റി20 ഫോർമാറ്റുകളും കളിക്കാത്തതാണ് ഇരുവരെയും മുൻനിര ഗ്രൂപ്പിൽ നിന്ന് മാറ്റാൻ കാരണമായത്. നിലവിൽ ഏകദിന ക്രിക്കറ്റിൽ മാത്രമാണ് ‘രോ-കോ’ സജീവം.

ഏകദിനത്തിലെ മികച്ച പ്രകടനം മാത്രം മുൻനിർത്തി ഉയർന്ന ഗ്രൂപ്പിൽ തുടരേണ്ടതില്ലെന്നും, പുതിയ തലമുറയ്ക്ക് കൂടുതൽ അവസരം നൽകണമെന്നുമുള്ള നിലപാടാണ് ബിസിസിഐ സ്വീകരിച്ചതെന്നാണ് റിപ്പോർട്ട്.

പുതിയ സംവിധാനം അനുസരിച്ച് ഗ്രൂപ്പ് എയാണ് ഏറ്റവും ഉയർന്ന കാറ്റഗറി. മൂന്ന് ഫോർമാറ്റുകളിലും ഇന്ത്യയെ പ്രതിനിധീകരിക്കുന്ന താരങ്ങളെയാണ് ഈ ഗ്രൂപ്പിൽ ഉൾപ്പെടുത്തുക. നിലവിൽ ശുഭ്മൻ ഗിൽ, ജസ്പ്രീത് ബുംറ, രവീന്ദ്ര ജഡേജ എന്നിവർ മാത്രമാണ് ഗ്രൂപ്പ് എയിൽ.

ഗ്രൂപ്പ് ബിയിൽ രോഹിത് ശർമ, വിരാട് കോലി എന്നിവർക്കൊപ്പം സൂര്യകുമാർ യാദവ്, വാഷിങ്ടൺ സുന്ദർ, കെ.എൽ. രാഹുൽ, ഹാർദിക് പാണ്ഡ്യ, മുഹമ്മദ് സിറാജ്, ഋഷഭ് പന്ത്, കുൽദീപ് യാദവ്, യശസ്വി ജയ്സ്വാൾ, ശ്രേയസ് അയ്യർ തുടങ്ങിയവരുമുണ്ട്.

ഗ്രൂപ്പ് സിയിൽ അക്സർ പട്ടേൽ, തിലക് വർമ്മ, റിങ്കു സിംഗ്, ശിവം ദുബെ, സഞ്ജു സാംസൺ, അർഷ്ദീപ് സിംഗ്, പ്രസിദ്ധ് കൃഷ്ണ, ആകാശ് ദീപ്, ധ്രുവ് ജുറേൽ, ഹർഷിത് റാണ, വരുണ്‍ ചക്രവർത്തി, നിതീഷ് കുമാർ റെഡ്ഡി, അഭിഷേക് ശർമ, സായി സുദർശൻ, രവി ബിഷ്ണോയ്, ഋതുരാജ് ഗെയ്ക്വാദ് എന്നിവർ ഉൾപ്പെടുന്നു.

അജിത് അഗാർക്കറുടെ നേതൃത്വത്തിലുള്ള സെലക്ഷൻ കമ്മിറ്റിയുടെ ശുപാർശ പ്രകാരമാണ് ഈ പരിഷ്കാരങ്ങൾ. എ പ്ലസ് കാറ്റഗറി ഒഴിവാക്കിയതോടെ മുതിർന്ന താരങ്ങൾക്ക് ലഭിക്കുന്ന വാർഷിക തുകയിലും വലിയ കുറവുണ്ടാകും.

30 താരങ്ങളാണ് ഇത്തവണത്തെ കോൺട്രാക്റ്റ് പട്ടികയിൽ ഇടം നേടിയിരിക്കുന്നത്. ഔദ്യോഗിക പ്രഖ്യാപനം ഉടൻ ഉണ്ടാകുമെന്നാണ് സൂചന.

വനിതാ ക്രിക്കറ്റിൽ ജമീമ റോഡ്രിഗസ് എ കാറ്റഗറിയിലേക്ക് ഉയരാൻ സാധ്യതയുണ്ടെന്നും റിപ്പോർട്ടിൽ പറയുന്നു. 2025 വനിതാ ലോകകപ്പ് സെമിഫൈനലിലെ മികവുറ്റ പ്രകടനമാണ് ജമീമയ്ക്ക് തുണയായത്.

ഇതോടെ ഹർമൻപ്രീത് കൗർ, സ്മൃതി മന്ദാന, ദീപ്തി ശർമ എന്നിവർക്കൊപ്പം ജമീമയും എ ഗ്രൂപ്പിൽ എത്തും.

വനിതാ ഗ്രൂപ്പ് ബി: രേണുക ഠാക്കൂർ, ഷെഫാലി വർമ്മ, റിച്ച ഘോഷ്, സ്നേഹ റാണ

ഗ്രൂപ്പ് സി: രാധ യാദവ്, അമൻജോത് കൗർ, പ്രതിക റാവൽ, ക്രാന്തി ഗൗഡ്, ഉമ ഛേത്രി, അരുന്ധതി റെഡ്ഡി, ശ്രീ ചരിണി, യസ്തിക ഭാട്യ, ഹർലീൻ ഡിയോൾ, കശ്വി ഗൗതം, കംലിനി, വൈഷ്ണവി ശർമ, തേജൽ ഹസ്ബിൻസ്

English Summary

The BCCI has reportedly downgraded senior stars Virat Kohli and Rohit Sharma in its new central contract list. The elite A+ category has been scrapped entirely, and both players have been placed in Group B due to their absence from Tests and T20Is.

bcci-central-contracts-virat-kohli-rohit-sharma-downgraded

BCCI, Virat Kohli, Rohit Sharma, central contract list, Indian cricket, Ajit Agarkar, Shubman Gill, Jasprit Bumrah, Ravindra Jadeja, Indian women’s cricket, Jemimah Rodrigues