എറണാകുളം: ആലുവയിൽ നിന്ന് കാണാതായ അസിസ്റ്റൻ്റ് പോസ്റ്റ് മാസ്റ്ററെ മരിച്ച നിലയിൽ കണ്ടെത്തി. ആലുവ മുഖ്യ തപാൽ ഓഫീസിലെ അസിസ്റ്റൻ്റ് പോസ്റ്റ് മാസ്റ്റർ കെ ജി ഉണ്ണികൃഷ്ണനാണ് മരിച്ചത്. മുപ്പത്തടം സ്വദേശിയായ ഉണ്ണികൃഷ്ണനെ രണ്ടു ദിവസം മുൻപ് കാണാതാവുകയായിരുന്നു. പോസ്റ്റൽ സൂപ്രണ്ട് ഓഫീസിലെ സ്റ്റോർ മുറിയിലാണ് ഉണ്ണികൃഷ്ണൻ്റെ മൃതദേഹം കണ്ടെത്തിയത്.
ഈ മാസവും 16 ന് രാവിലെ ജോലിക്കെത്തിയ ഉണ്ണികൃഷ്ണനെ 11 മണിയോടെയാണ് കാണാതായത്. ഇന്ന് രാവിലെ ദുർഗന്ധമനുഭവപ്പെട്ടതിനെത്തുടർന്ന് നടത്തിയ പരിശോധനയിലാണ് ഉണ്ണികൃഷ്ണൻ്റെ മൃതദേഹം കണ്ടെത്തിയത്. ഉണ്ണികൃഷ്ണൻ മാനസിക സമ്മർദ്ദത്തിലായിരുന്നു വെന്നാണ് ലഭിക്കുന്ന സൂചന. സംഭവവുമായി ബന്ധപ്പെട്ട് പോലീസ് അന്വേഷണം ആരംഭിച്ചു.
