കോഴിക്കോട്: കല്യാണ വീട്ടിൽ മദ്യത്തെ ചൊല്ലിയുണ്ടായ തർക്കത്തിൽ ഒരാൾക്ക് കുത്തേറ്റു. കോഴിക്കോട് പന്നിയങ്കരയിലാണ് സംഭവം. ഇൻസാഫ് എന്ന ആൾക്കാണ് മുഖത്ത് കുത്തേറ്റത്.
ചക്കുംകടവ് സ്വദേശി മുബീൻ ആണ് ആക്രമണം നടത്തിയത്. ബാർബർ ഷോപ്പിലെ കത്തികൊണ്ടായിരുന്നു ആക്രമണം. മുഖത്ത് മുറിവേറ്റ ഇൻസാഫിനെ കോഴിക്കോട് ബീച്ച് ആശുപത്രിയിൽ പ്രവേശിപ്പിച്ചു.
കല്യാണ വീട്ടിൽ മദ്യത്തെ ചൊല്ലി ഉണ്ടായ തർക്കമാണ് ആക്രമണ കാരണമെന്നാണ് വിവരം. സംഭവത്തിൽ പൊലീസ് കേസെടുത്തിട്ടുണ്ട്.
നിയന്ത്രണം വിട്ട കാർ വന്നിടിച്ചു; ഓട്ടോയ്ക്ക് തീപിടിച്ച് ഒരാള്ക്ക് ദാരുണാന്ത്യം
തിരുവനന്തപുരം: നിയന്ത്രണം വിട്ട കാര് ഇടിച്ചതിനെ തുടര്ന്ന് ഓട്ടോയ്ക്ക് തീപിടിച്ച് ഒരാള് മരിച്ചു. തിരുവനന്തപുരം പട്ടത്ത് ആണ് അപകടം നടന്നത്. ഓട്ടോയിലുണ്ടായിരുന്ന സുനി (40) ആണ് മരിച്ചത്.
ഞായറാഴ്ച പുലര്ച്ചെ 3.30ന് ആയിരുന്നു സംഭവം. പട്ടം സെന്റ് മേരീസ് ഹയര് സെക്കന്ഡറി സ്കൂളിനു മുന്നിൽ വെച്ചാണ് അപകടമുണ്ടായത്. നിയന്ത്രണം വിട്ട കാര് ഓട്ടോയ്ക്ക് പിന്നില് ഇടിക്കുകയായിരുന്നു.
ഇടിയുടെ ആഘാതത്തില് മുന്നില് ഉണ്ടായിരുന്ന ബൈക്കില് ഓട്ടോ ചെന്ന് ഇടിക്കുകയും ചെയ്തു. ഓട്ടോറിക്ഷയില് നിര്മ്മാണ തൊഴിലാളികള് ആണ് ഉണ്ടായിരുന്നതെന്നാണ് വിവരം.
