നോ പാർക്കിങ് സോണിൽ പാർക്ക് ചെയ്തതിന് ട്രാഫിക് പൊലീസുകാർ പിഴ ചുമത്തിയതിൽ പ്രകോപിതനായ ഡ്രൈവർ സ്വന്തം ടെമ്പോ തീവച്ചു നശിപ്പിച്ചു. ഉത്തർപ്രദേശിലെ ബുലന്ദ്ഷഹറിൽ തിങ്കളാഴ്ചയായിരുന്നു സംഭവം ഉണ്ടായത്.Anger at fine imposed by traffic police: Driver sets his own tempo on fire.
പിഴയിട്ടതിനെചൊല്ലി പൊലീസുമായുണ്ടായ തർക്കത്തെ തുടർന്നാണ് ഡ്രൈവർ വാഹനത്തിന് തീവച്ചത്.
രക്ഷാബന്ധൻ പ്രമാണിച്ച് ഗതാഗതം സുഗമമാക്കാൻ വിവിധയിടങ്ങളിൽ പൊലീസുകാരെ വിന്യസിച്ചിരുന്നു. ഇതിനിടെ, പഹാസു- ഖുർജ റോഡിലെ നോ പാർക്കിങ് സോണിൽ ഒരു ടെമ്പോ പാർക്ക് ചെയ്തിരിക്കുന്നതായി പൊലീസിന് വിവരം ലഭിച്ചു.
തുടർന്ന് കരൂരി സ്റ്റേഷൻ ഇൻ ചാർജ് അനധികൃത പാർക്കിങ്ങിന് പിഴ ചുമത്തി. ഇതോടെ ഡ്രൈവർ വാഹനം മറ്റൊരിടത്തേക്ക് മാറ്റിയെങ്കിലും പിന്നീട് തിരികെയെത്തി അതിനു തീയിടുകയായിരുന്നു എന്ന് പൊലീസ് പറയുന്നു. സംഭവസമയത്ത് ഇയാൾ മദ്യപിച്ചിരുന്നതായും പൊലീസ് പറഞ്ഞു.
വാഹനത്തിൽ തീപടർന്ന ഉടൻതന്നെ പൊലീസ് അഗ്നിശമനസേനയെ വിവരം അറിയിച്ചു. അവർ സ്ഥലത്തെത്തി തീയണച്ചു.
