കോഴിക്കോട്: കാറിലിരുന്ന് പടക്കം പൊട്ടിക്കുന്നതിനിടെ അപകടം. യുവാക്കൾക്ക് ഗുരുതര പരിക്ക്. കോഴിക്കോട് നാദാപുരത്താണ് സംഭവം. പൂവുള്ളതിൽ മുഹമ്മദ് ഷഹറാസ് (32), ബന്ധു റയീസ് (26) എന്നിവർക്കാണ് പരിക്കേറ്റത്.
ഇരുവരും ചേർന്ന് കാറിനുള്ളിൽ വച്ച് പടക്കത്തിനു തീകൊളുത്തിയതാണ് അപകട കാരണമെന്ന് പോലീസ് പറഞ്ഞു. ഷഹറാസിൻ്റെ വലത് കൈപ്പത്തി തകർന്ന നിലയിലാണ്. ഇരുവരെയും ആശുപത്രിയിൽ പ്രവേശിപ്പിച്ചു.
തലശേരിയിൽ നിന്നും പടക്കം വാങ്ങി നാദാപുരത്തേക്ക് വരുംവഴി ആയിരുന്നു അപകടം നടന്നത്. അപകടത്തിൽ കാറിനു സാരമായ കേടുപാട് സംഭവിച്ചിട്ടുണ്ട്. നാദാപുരം പൊലീസ് കേസെടുത്തു.
