കുട്ടനാട്: തെരുവ് നായയുടെ ആക്രമണത്തിൽ അഞ്ചു വയസുകാരിയ്ക്ക് പരിക്ക്. ആലപ്പുഴ കാവാലത്ത് ആണ് സംഭവം. പതിനൊന്നാം വാർഡ് ചെന്നാട്ട് വീട്ടിൽ പ്രദീപിന്റെ മകൻ തേജസിനെയാണ് നായ ആക്രമിച്ചത്.
വീട്ടുമുറ്റത്ത് കളിച്ചുകൊണ്ടിരിക്കെയാണ് കുട്ടിയെ തെരുവു നായ ആക്രമിച്ചത്. കുട്ടിയുടെ തലയിലും കണ്ണിലും കയ്യിലും വയറിലും ആണ് നായ കടിച്ചു പരിക്കേല്പിച്ചത്. കുട്ടിയെ കോട്ടയം മെഡിക്കൽ കോളേജിൽ പ്രവേശിപ്പിച്ചു.
തേജസിനെ കടിക്കുന്നതിനു മുൻപ് മറ്റൊരു പെൺകുട്ടിയെയും റോഡിൽ വെച്ച് പട്ടി കടിക്കാൻ ശ്രമിച്ചിരുന്നു. കുട്ടിയുടെ വസ്ത്രം നായ കടിച്ചു വലിച്ചുകീറി. കാവാലം ഭാഗത്ത് തെരുവ് നായയുടെ ശല്യം വർധിച്ചു വരികയാണ് വരികയാണ്. റോഡ് വശങ്ങളിൽ തെരുവ് നായ്ക്കൾ അലഞ്ഞുതിരിഞ്ഞ് നടക്കുകയാണെന്ന് നാട്ടുകാർ പരാതി ഉന്നയിക്കുന്നുണ്ട്.
ഇടുക്കിയിൽ പടുതാക്കുളത്തിൽ വീണ് കർഷകന് ദാരുണാന്ത്യം
ഇടുക്കി കോമ്പയാര് മത്തായിപ്പാറയില് പടുതാക്കുളത്തില് വീണ ഏലം കർഷകൻ മരിച്ചു. പ്ലാച്ചിക്കല് മോഹനന് (55) ആണ് മരിച്ചത്. പാട്ടത്തിനെടുത്ത സ്ഥലത്ത് മോഹനന് കൃഷി നടത്തുകയായിരുന്നു വരികയായിരുന്നു.
ശനിയാഴ്ച ഏലച്ചെടി നനയ്ക്കാനായി കൃഷിയിടത്തിലെത്തിയ മോഹനനെ രാത്രി വൈകിയിട്ടും കാണാൻ കഴിഞ്ഞില്ല. തുടർന്ന് ബന്ധുക്കളും നാട്ടുകാരും നടത്തിയ തിരച്ചിലിൽ പടുതാക്കുളത്തില് കണ്ടെത്തുകയായിരുന്നു. ഇദ്ദേഹത്തെ കല്ലാറിലെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
