തിരുവനന്തപുരം: നാളെ ആറ്റുക്കാൽ പൊങ്കാല നടക്കാനിരിക്കെ ഭക്തജനങ്ങൾക്കായി പ്രത്യേക ക്രമീകരണങ്ങൾ ഒരുക്കിയ്യാതായി റെയിൽവേ അറിയിച്ചു. തിരുവനന്തപുരം റെയിൽവേ സ്റ്റേഷനിലാണ് ക്രമീകരണങ്ങൾ ഒരുക്കിയിരിക്കുന്നത്.
പ്ലാറ്റ്ഫോം നമ്പർ ഒന്നിൽ നഗർകോവിൽ ഭാഗത്തേക്കുള്ള ട്രെയിനുകൾ മാത്രവും, 2,3,4,5 പ്ലാറ്റ്ഫോമുകളിൽ കൊല്ലത്തേക്കുള്ള ട്രെയിനുകൾ മാത്രവുമാണ് സജ്ജീകരിച്ചിരിക്കുക. കൂടാതെ ഭക്തജനങ്ങൾക്കായി പവർഹൗസ് റോഡിലെ അടച്ചിട്ട വഴി തുറന്നു നൽകും. ഇതുവഴി സ്റ്റേഷനിലേക്കുള്ള പ്രവേശനം മാത്രമാകും അനുവദിക്കുക.
എറണാകുളം – തിരുവനന്തപുരം, തിരുവനന്തപുരം- നഗർകോവിൽ റൂട്ടുകളിൽ പ്രത്യേക സർവീസുകളും ക്രമീകരിച്ചിട്ടുണ്ട്. ഇത് കൂടാതെ 31 ട്രെയിനുകൾക്ക് അധിക സ്റ്റോപ്പും അനുവദിച്ചു. വന്ദേഭാരതിന് കൊച്ചുവേളിയിലും, ജനശതാബ്ദിക്ക് പേട്ടയിലും അധിക സ്റ്റോപ്പ് അനുവദിച്ചിട്ടുണ്ട്. മാത്രമല്ല, തിരുവനന്തപുരം സ്റ്റേഷനിൽ കൂടുതൽ ടിക്കറ്റ് കൗണ്ടറുകളും ക്രമീകരിച്ചിട്ടുള്ളതായി റെയിൽവേ അറിയിച്ചു.
