കോഴിക്കോട്: വീട്ടിൽ അതിക്രമിച്ചു കയറി യുവതിയെ കത്തി കാട്ടി ഭീഷണിപ്പെടുത്തിയ സിഐക്കെതിരെ കേസെടുത്തു. കോഴിക്കോട് നാദാപുരം കൺട്രോൾ റൂമിലെ ഉദ്യോഗസ്ഥനായ സ്മിതേഷിനെതിരെയാണ് നടപടി. വള്ളിക്കാട് സ്വദേശിയായ യുവതിയുടെ പരാതിയിലാണ് കേസ് രജിസ്റ്റർ ചെയ്തത്.
ഇന്നലെ രാത്രിയിലായിരുന്നു സംഭവം. യുവതിയും മകളും പുറത്ത് പോയി തിരിച്ചുവന്നപ്പോൾ സ്മിതേഷ് വീടിനകത്ത് അതിക്രമിച്ച് കയറുകയായിരുന്നു. തുടർന്ന് കത്തി കാട്ടി യുവതിയെ ഭീഷണിപ്പെടുത്തി. യുവതിയും സ്മിതേഷും തമ്മിൽ നേരത്തെ പരിചയമുണ്ടായിരുന്നു. മൊബൈലിൽ യുവതി ഉദ്യോഗസ്ഥൻ്റെ നമ്പർ ബ്ലോക്ക് ചെയ്തതിനുള്ള വൈരാഗ്യമാണ് ഭീഷണിക്കു കാരണമെന്ന് യുവതി പരാതിയിൽ പറയുന്നു.
യുവതിയുടെ വീട്ടിൽ നിന്നും ശബ്ദം കേട്ട് നാട്ടുകാർ ഓടികൂടിയതോടെ വടകര പൊലീസിൽ വിവരം അറിയിക്കുകയായിരുന്നു. തുടർന്ന് പോലീസെത്തി സ്മിതേഷിനെ പൊലീസ് കസ്റ്റഡിയിലെടുത്തു.
