ബദിയടുക്ക: കാട്ടുപന്നിയുടെ ആക്രമണത്തിൽ തോട്ടം തൊഴിലാളിക്ക് ഗുരുതര പരിക്ക്. അട്ടേങ്ങാനം ഇരിയ സ്വദേശി കുഞ്ഞിരാമനാണ് (57) കാട്ടുപന്നിയുടെ ആക്രമണത്തിൽ പരിക്കേറ്റത്. കഴുത്തിലും ചെവിയ്ക്കും പരിക്കേറ്റ കുഞ്ഞിരാമനെ ഉടൻ തന്നെ കാസർകോട് ജനറൽ ആശുപത്രിയിൽ പ്രവേശിപ്പിച്ചു.
തോട്ടത്തിൽ വെള്ളം നനയ്ക്കാൻ എത്തിയപ്പോഴാണ് കാട്ടുപന്നി ആക്രമിച്ചത്. രക്ഷപ്പെടാനായി ഓടി തോട്ടിൽ ചാടിയെങ്കിലും പന്നി വിടാതെ പിന്തുടർന്ന് ആക്രമിക്കുകയായിരുന്നു. ചെവിയിലും, കഴുത്തിലുമേറ്റ മുറിവുകളിൽ ഏഴ് സ്റ്റിച്ചോളം ഇടേണ്ടി വന്നു. ഈ പ്രദേശത്ത് മുൻപും കാട്ടുപന്നി ആക്രമണം ഉണ്ടായിട്ടുണ്ടെന്ന് തോട്ടമുടമ തോമസ് കാപ്പൻ പറഞ്ഞു.
