കൊടുവള്ളി: എംഡിഎംഎയുമായി ദന്ത ഡോക്ടർ പിടിയിൽ. പാലക്കാട് കരിമ്പ കളിയോട് കണ്ണൻ കുളങ്ങര വിഷ്ണുരാജാ(29)ണ് പിടിയിലായത്. കോഴിക്കോട് കൊടുവള്ളിയിൽ നിന്നാണ് ഇയാളെ പിടികൂടിയത്.
ഇയാൾ താമസിക്കുന്ന കൊടുവള്ളി ഓമശ്ശേരിയിലെ ഫ്ലാറ്റിൽ നിന്നാണ് പിടികൂടിയത്. 15 ഗ്രാം എംഡിഎംഎ ഇയാളിൽ നിന്ന് കണ്ടെടുത്തു. കരുവൻ പൊയിലിൽ ഇനായത്ത് ദാന്താശുപത്രി എന്ന ക്ലിനിക് നടത്തി വരികയായിരുന്നു പ്രതി.
അതേസമയം മലപ്പുറം പൊന്നാനിയിലും എംഡിഎംഎയുമായി ഒരാൾ പിടിയിലായി. ഓട്ടോ ഡ്രൈവറായ വെളിയങ്കോട് സ്വദേശി സുഫൈലാണ് പിടിയിലായത്. ഇയാളിൽ നിന്ന് മൂന്ന് ഗ്രാം എംഡിഎംഎ കണ്ടെടുത്തു.
