പാലക്കാട്: അട്ടപ്പാടിയിൽ പരിക്കേറ്റ നിലയിൽ കണ്ടെത്തിയ കരടിയെ തൃശൂർ മൃഗശാലയിലേക്ക് മാറ്റി. മേലേ ഭൂതയാർ, ഇടവാണി മേഖലയിൽ ഇറങ്ങിയ കരടിയെ വനം വകുപ്പ് കൂട് ഉപയോഗിച്ച് പിടികൂടുകയായിരുന്നു. തുടർന്ന് നടത്തിയ പരിശോധനയിലാണ് കരടിയുടെ കാലിൽ പരിക്ക് കണ്ടെത്തിയത്.
ആനയുടെ ചവിട്ടേറ്റതാവാം പരിക്കിന് കാരണം എന്നാണ് പ്രാഥമിക നിഗമനം. വനംവകുപ്പിന്റെ പുതൂർ, അഗളി ആർആർടി സംഘമാണ് കരടിയെ കൂട്ടിലാക്കിയത്.
