ആലപ്പുഴ അർത്തുങ്കലിൽ മദ്യപിക്കാനെത്തിയ ഗുണ്ടാസംഘം ബാർ അടിച്ചു തകർത്തതായി പരാതി. അർത്തുങ്കൽ ചള്ളിയിൽ ബാറിൽ ഇന്നലെ രാത്രി എട്ടുമണിയോടെയായിരുന്നു ആക്രമണം. വിഷ്ണു ഗോപി എന്നയാളുടെ നേത്യത്വത്തിലാണ് ആക്രമണം നടന്നത്.
മുഖംമൂടി മാരകായുധങ്ങളുമായിട്ടാണ് സംഘം എത്തിയത്. മദ്യപിച്ചു കൊണ്ടിരുന്നവരെയും ജീവനക്കാരെയും വാൾ കാട്ടി ഭീഷണിപ്പെടുത്തിയ ശേഷം സംഘം മദ്യകുപ്പികൾ അടിച്ചു തകർത്തു. മേശപ്പുറത്തുണ്ടായിരുന്ന ഗ്ലാസും കുപ്പികളും തകർത്തു.
വിവിധ ബ്രാൻഡുകളിൽപ്പെട്ട 20 ലിറ്ററിലധികം മദ്യവും എടുത്തു കൊണ്ടുപോയി. ബ്ലാക്ക് ലേബൽ, മാജിക് മൊമൻ്റ്സ് തുടങ്ങിയ വിലകൂടിയ ബ്രാൻഡുകളിൽപ്പെട്ട മദ്യമാണ് ഗുണ്ടകൾ കൊണ്ടു പോയത്. മദ്യം മോഷ്ടിക്കാനാണ് ഗുണ്ടാ സംഘം എത്തിയതെന്ന് സംശയമുണ്ട്.പോലീസ് അന്വേഷണം ആരംഭിച്ചു.
