ഇന്ന് വൈകിട്ട് 3.30 യോടെയായിരുന്നു സംഭവം
കുന്നംകുളം: തൃശൂർ കുന്നംകുളം കാവിലക്കാട് പൂരത്തിനിടെ ആനയിടഞ്ഞു. നാലുപേർക്ക് പരിക്കേറ്റിട്ടുണ്ട്. കീഴൂട്ട് വിശ്വനാഥൻ എന്ന ആനയാണ് ഇടഞ്ഞത്. ആന പുറത്തിരുന്നവർക്കാണ് പരിക്കേറ്റത്.(Elephant violent during Kavilakkad Pooram; Four people were injured)
ഇന്ന് വൈകിട്ട് 3.30 യോടെയായിരുന്നു സംഭവം. രാജേഷ്(32), വിപിൻ( 26 ), ഉണ്ണി(31 ), സുധീഷ്( 24) എന്നിവർക്കാണ് പരിക്കേറ്റത്. ഇവർ ആന ഇടഞ്ഞതോടെ ആന ഇടഞ്ഞതോടെ പരിഭ്രാന്തരായി ആനപ്പുറത്തുനിന്നും താഴേക്ക് ചാടുകയായിരുന്നു. ചെറുപുഷ്പം കമ്മിറ്റിക്ക് വേണ്ടി എഴുന്നള്ളിപ്പിന് എത്തിയ ആനയാണ് ഇടഞ്ഞത്.
ചിറ്റൂഞ്ഞൂർ പാടം ഭാഗത്തേക്ക് ഓടിയ ആനയെ പാപ്പാന്മാരുടെ നേതൃത്വത്തിൽ സമീപത്തെ പറമ്പിൽ തളക്കുകയും ചെയ്തു. പരിക്കേറ്റവരെ കുന്നംകുളം പരസ്പര സഹായസമിതി ആംബുലൻസ് പ്രവർത്തകർ കുന്നംകുളം മലങ്കര ആശുപത്രിയിൽ പ്രവേശിപ്പിച്ചു. ആരുടെയും പരിക്ക് ഗുരുതരമല്ല എന്നാണ് വിവരം.
