അമേരിക്കൻ പ്രസിഡൻ്റായി സ്ഥാനം ഏറ്റെടുക്കുന്നതിന് മുമ്പ് ഡൊണാൾഡ് ട്രംപിൻ്റെ $TRUMP മീം നാണയം ശതകോടികൾ കരസ്ഥമാക്കി. ഡൊണാൾഡ് ട്രംപ് പുതുതായി വിപണിയിൽ പുറത്തിറക്കിയ $TRUMP മീം കോയിനാണ് 300 ശതമാനത്തിലധികം നേടിയത്. 47-ാമത് യുഎസ് പ്രസിഡൻ്റായി സത്യപ്രതിജ്ഞ ചെയ്യുന്ന ട്രംപിൻ്റെ സ്ഥാനാരോഹണത്തിന് മുന്നോടിയെന്നോണം 6 ബില്യൺ ഡോളറിൻ്റെ വിപണിയെ $TRUMP മീം കോയിൻ ക്രിപ്റ്റോ വിപണിയെ ഒന്നടങ്കം പിടിച്ചുകുലുക്കി.
നിക്ഷേപകരുടെ തീവ്രമായ താൽപ്പര്യത്തിന് പാത്രമായതിനെത്തുടർന്നാണ് മീം കോയിൻ ക്രിപ്റ്റോകറൻസി വിപണി ഒരു മാറ്റം തന്നെ കൊണ്ടുവന്നത്. $TRUMP മീം നാണയത്തിന്റെ അരങ്ങേറ്റം തന്നെ 14.5 ബില്യൺ ഡോളർ കരസ്ഥമാക്കി കൊണ്ടായിരുന്നു. ലോഞ്ച് ചെയ്ത് മണിക്കൂറുകൾക്കുള്ളിൽ തന്നെ 300 ശതമാനത്തിലധികം വളർച്ച നേടാൻ സാധിച്ചു.
ഡൊണാൾഡ് ട്രംപ് അമേരിക്കൻ പ്രസിഡൻ്റായി അധികാരമേൽക്കുന്നതിന് ദിവസങ്ങൾക്ക് മുൻപാണ് ഔദ്യോഗിക $TRUMP മീം നാണയം പുറത്തിറക്കിയത്. നിലവിൽ ട്രേഡിംഗ് വോള്യം 1 ഡോളർ ബില്യൺ കവിഞ്ഞു. കൂടാതെ നാണയത്തിൻ്റെ മൂല്യം മിനിറ്റുകൾക്കുള്ളിൽ തന്നെ 300 ശതമാനത്തിലധികമായി ഉയരുകയായിരുന്നു.
അതി തീവ്രമായ മുന്നേറ്റത്തോടെ $TRUMP നാണയത്തിൻ്റെ വില പ്രാരംഭ 0.18- ഡോളറിൽ നിന്ന് 7. 1 ഡോളറിൽ എത്തി. അതേസമയം CoinMarketCap ഡാറ്റയുടെ കണക്കുകൾ അനുസരിച്ച്, മീം നാണയം 29 ഡോളറിൽ ട്രേഡ് ചെയ്യപ്പെടുന്നുണ്ട്, കൂടാതെ അരങ്ങേറ്റ വിലയിൽ നിന്ന് ശ്രദ്ധേയമായ 299 ശതമാനം വർദ്ധനവാണ് ഇതിൽ പ്രതിഫലിപ്പിക്കുന്നത്.
‘എക്സിലൂടെയാണ് ട്രംപ് തൻ്റെ “ഔദ്യോഗിക ട്രംപ് മീം” നാണയത്തെ ലോകത്തിനു മുന്നിൽ അവതരിപ്പിച്ചത്: “തന്റെ പുതിയ ഔദ്യോഗിക ട്രംപ് മീം ഇവിടെയുണ്ട്! ഞങ്ങൾ നിലകൊള്ളുന്നതെല്ലാം ആഘോഷിക്കാനുള്ള സമയമാണിത്, അത് കൊണ്ട് വിജയിക്കുക! എൻ്റെ പ്രത്യേക ട്രംപ് കമ്മ്യൂണിറ്റിയിൽ ചേരുക എന്നാണ് ട്രംപ് എക്സിൽ കുറിച്ചത്.
പ്രചാരണ റാലിക്കിടെ ഉണ്ടായ വധശ്രമത്തെ അതിജീവിച്ചതിന് ശേഷം ട്രംപ് രൂപപ്പെടുത്തിയ ” പോരാടുക, പോരാടുക” എന്ന മുദ്രാവാക്യത്തിൽ നിന്ന് പ്രചോദനം ഉൾക്കൊണ്ടാണ് നാണയം പുറത്തിറക്കിയതെന്ന് ട്രംപ് പറഞ്ഞു. 48 മണിക്കൂർ ക്ലെയിമിംഗ് വിൻഡോ തുറന്നശേഷം അത് അടയ്ക്കുന്നതിന് മുമ്പ് ഔദ്യോഗിക വെബ്സൈറ്റ് വഴി ടോക്കണുകൾ പിടിച്ചെടുക്കാൻ ട്രംപ് നിക്ഷേപകരോട് അഭ്യർത്ഥിക്കുകയായിരുന്നു.
ഈ പ്രഖ്യാപനം പെട്ടെന്ന് ഒരു കൊടുംകാറ്റ് പോലെ ലോക ശ്രദ്ധ പിടിച്ചുപറ്റുകയായിരുന്നു. കോയിന്റെ സമാരംഭത്തിനായി 200 ദശലക്ഷം ടോക്കണുകൾ സൃഷ്ടിച്ചു. അടുത്ത മൂന്ന് വർഷത്തിനുള്ളിൽ മൊത്തത്തിലുള്ള വിതരണം ഒരു ബില്യൺ ആയിരിക്കുമെന്നും അദ്ദേഹം പറഞ്ഞു. അതേസമയം തിരഞ്ഞെടുപ്പ് പ്രചാരണത്തിനിടെയുണ്ടായ വധശ്രമത്തിന് ശേഷം ട്രംപിൻ്റെ ശക്തിയും ധൈര്യവും മീമിലെ ചിത്രം കാണിക്കുന്നുവെന്നാണ് അമേരിക്കൻ മാധ്യമങ്ങൾ റിപ്പോർട്ട് ചെയ്തത്.
ജൂലൈ 13, 2024 ന്, പ്രസിഡൻ്റ് ട്രംപ് മരണത്തെ അഭിമുഖീകരിച്ച് പോരാടിയതായും ഫൈറ്റ് ഫൈറ്റ് ഫൈറ്റ് എന്ന മുദ്രാവാക്യം മുഴക്കി, പ്രസിഡൻ്റ് ട്രംപ് ഒരു നേതാവ് എന്താണെന്ന് ലോകത്തിന് കാണിച്ചുകൊടുക്കുകയും ചെയ്തതായും റിപ്പോർട്ടിൽ പറയുന്നു. കൂടാതെ ട്രംപിന്റെ ശക്തിയും ധൈര്യവും ഒരു പ്രസ്ഥാനത്തെ ജ്വലിപ്പിക്കുകയും, ഈ നൂറ്റാണ്ടിലെ ഏറ്റവും അവിസ്മരണീയമായ ഓർമ്മയായതായും കൂടാതെ ഇപ്പോൾ, നിങ്ങളുടെ ചരിത്രത്തിൻ്റെ ഭാഗം നിങ്ങൾക്ക് ലഭിക്കും. ഈ ട്രംപ് മീം, എതിർപ്പുകളൊന്നും കാര്യമാക്കാതെ പിന്മാറാത്ത ഒരു നേതാവിനെ ആഘോഷിക്കുന്നു എന്നും റിപ്പോർട്ടിൽ കൂട്ടിച്ചേർത്തു. കൂടാതെ ട്രംപ് കമ്മ്യൂണിറ്റിയിൽ ചേരൂ ഞങ്ങൾ എല്ലാവരും പ്രധാനമായ കാര്യങ്ങൾക്കായി പോരാടുകയാണ് എന്നും വെബ്സൈറ്റിൽ വ്യക്തമാകുന്നു
