കൊല്ലം: കാർ താഴ്ചയിലേക്ക് മറിഞ്ഞ് കത്തിയ നിലയിൽ കണ്ടെത്തി. കൊല്ലം അഞ്ചൽ ഒഴുകുപാറയ്ക്കലാണ് സംഭവം. കാറിനകത്ത് കത്തിക്കരിഞ്ഞ നിലയിൽ മൃതദേഹം കണ്ടെത്തിയിട്ടുണ്ട്. ഒഴുകുപാറക്കൽ സ്വദേശി ലെനീഷ് റോബിൻസാണ് മരിച്ചത്.(Man died after car burnt in Kollam Anchal)
ഇന്നലെ രാത്രിയാണ് സംഭവം നടന്നത്. റബർ മരങ്ങൾ മുറിച്ച സ്ഥലത്ത് താഴ്ചയിലേക്ക് ആണ് കാർ മറിഞ്ഞിരിക്കുന്നത്. തുടർന്ന് ഇന്ന് രാവിലെ പ്രദേശവാസികളാണ് കാർ കാണുന്നത്. കാർ അബദ്ധത്തിൽ താഴ്ചയിലേക്ക് മറിഞ്ഞ് കത്തിയതാകാം എന്നാണ് പ്രാഥമിക നിഗമനം.
ആത്മഹത്യയുടെ സാധ്യതയടക്കം പൊലീസ് അന്വേഷിക്കുന്നുണ്ട്. ശബ്ദം കേട്ടുവെന്ന് നാട്ടുകാരിൽ ചിലർ പറയുന്നുണ്ട്. കാറിനുള്ളിലെ മൃതദേഹം പൂർണ്ണമായി കത്തിക്കരിഞ്ഞ നിലയിലായിരുന്നു.
