കോഴിക്കോട്: എഴുത്തുകാരന് എം ടി വാസുദേവന്റെ നില അതീവ ഗുരുതരം. ദിവസങ്ങൾക്ക് മുൻപാണ് എംടിയെ ആശുപത്രിയിൽ പ്രവേശിപ്പിച്ചത്. അദ്ദേഹത്തിന് ഹൃദയസ്തംഭനം ഉണ്ടായതായി മെഡിക്കല് ബുള്ളറ്റിനില് അധികൃതര് അറിയിച്ചു.(Writer MT Vasudevan Nair in critical condition)
സ്വകാര്യ ആശുപത്രിയിലെ ഐസിയുവില് പ്രവേശിപ്പിച്ച എംടി ഓക്സിജന് സപ്പോര്ട്ടിലാണ് കഴിയുന്നതെന്ന് ആശുപത്രി അധികൃതര് അറിയിച്ചു. എംടിയെ വിദഗ്ധ സംഘം നിരീക്ഷിച്ച് വരികയാണ്. എല്ലാവിധ ചികിത്സയും ഉറപ്പാക്കിയിട്ടുണ്ടെന്നും ആശുപത്രി അധികൃതര് വ്യക്തമാക്കി.
ശ്വാസതടസ്സത്തെ തുടര്ന്ന് ഈ മാസം 15നാണ് എംടിയെ ആശുപത്രിയില് പ്രവേശിപ്പിച്ചത്. കഴിഞ്ഞ കുറെ നാളുകളായി വാര്ധക്യസഹജമായ അസുഖങ്ങളെ തുടര്ന്ന് അദ്ദേഹം വിശ്രമത്തിൽ കഴിയുകയാണ്. ഒരുമാസം മുന്പ് ശ്വാസതടസ്സവും ന്യൂമോണിയയും മൂലം അദ്ദേഹത്തെ ആശുപത്രിയില് പ്രവേശിപ്പിച്ചിരുന്നു.
