തിരുവനന്തപുരം: മകളെ വിവാഹം കഴിച്ചു തരണമെന്ന് ആവശ്യം നിരസിച്ച അച്ഛനെ യുവാവ് തലയ്ക്കടിച്ച് കൊലപ്പെടുത്തി. തിരുവനന്തപുരം കിളിമാനൂരിലാണ് സംഭവം. തിരുവനന്തപുരം കിളിമാനൂര്‍ സ്വദേശി ബിജു (40) ആണ് മരിച്ചത്.(young man killed in thiruvananthapuram)
ഈ മാസം 17 നായിരുന്നു സംഭവം. പ്രതി മടത്തറ സ്വദേശി രാജീവിന്റെ മർദനമേറ്റ് ചികിത്സയിലിരിക്കെയാണ് ബിജു മരണപ്പെട്ടത്. ബിജുവിന്റെ വീട്ടിലെത്തിയ രാജീവ് മകളെ വിവാഹം കഴിച്ചുതരണമെന്ന് ആവശ്യപ്പെടുകയായിരുന്നു, എന്നാൽ മകള്‍ക്ക് പ്രായപൂര്‍ത്തിയാകാത്തതിനാൽ ഇപ്പോള്‍ വിവാഹം നടത്താന്‍ കഴിയില്ലെന്നു ബിജു പറഞ്ഞു.
തുടർന്ന് ഇരുവരും തമ്മിൽ വാക്കുതർക്കം ഉണ്ടാകുകയും പ്രകോപിതനായ രാജീവ് അവിടെയുണ്ടായിരുന്ന കല്ലു കൊണ്ട് ബിജുവിന്റെ തലയ്ക്ക് അടിക്കുകയായിരുന്നു. ഗുരുതരമായി പരിക്കേറ്റ് തിരുവനന്തപുരം മെഡിക്കല്‍ കോളജില്‍ വെന്റിലേറ്ററിൽ ചികിത്സയിലായിരുന്ന ബിജു ശനിയാഴ്ച ഉച്ച കഴിഞ്ഞാണ് മരിച്ചത്. പ്രതിയെ പോലീസ് അന്ന് തന്നെ പിടികൂടി റിമാൻഡ് ചെയ്തിരുന്നു.
