ഓൺലൈൻ തട്ടിപ്പിലൂടെ യുവതിയിൽ നിന്നും തട്ടിയെടുത്തത് നാലുലക്ഷം രൂപ. പൊലീസ് ഇൻസ്പെക്ടറുടെ ബന്ധുവും റിട്ട. എസ്.ഐയുടെ മകളുമായ യുവതിയിൽ നിന്നാണ് പണം നഷ്ടമായത്. ഇവർ കൊറിയറിൽ അയച്ച കവറിൽ മയക്കുമരുന്ന് ഉണ്ടെന്നു പറഞ്ഞായിരുന്നു തട്ടിപ്പ് നടത്തിയത്. The woman lost 4 lakhs in online fraud
മാരാരിക്കുളം തെക്ക് പഞ്ചായത്ത് കാട്ടൂർ സ്വദേശിനിയായ 34കാരി കൊറിയർ അയച്ചിരുന്നു. ഈ കൊറിയറിൽ മയക്കുമരുന്ന് ഉണ്ടെന്നും മുഹമ്മദാലി എന്നയാൾ ഇവരുടെ വ്യക്തിവിവരങ്ങൾ എടുത്ത് വിവിധ ബാങ്കുകളിലായി ഇരുപതോളം അക്കൗണ്ടുകൾ തുടങ്ങിയെന്നും പറഞ്ഞായിരുന്നു തട്ടിപ്പ്.
തട്ടിപ്പുകാർ യുവതിയുടെ ബാങ്ക് അക്കൗണ്ടിലുള്ള പണം പിൻവലിക്കുമെന്നും ഇത് തടയാൻ പണം ഉടൻ റിസർവ് ബാങ്കിന്റെ അക്കൗണ്ടിലേക്ക് മാറ്റണമെന്നുമായിരുന്നു ആവശ്യം. ഇത് വിശ്വസിച്ച് യുവതി ഇവർ പറഞ്ഞ ബാങ്ക് അക്കൗണ്ടിലേക്ക് പണം നിക്ഷേപിക്കുകയായിരുന്നു. രണ്ടുലക്ഷം രൂപ വീതം രണ്ട് തവണയായി നിക്ഷേപിക്കുകയായിരുന്നു.
